ភ្នំពេញ ៖ បើនិយាយពីលោកជំទាវ ឧកញ៉ា អ៊ាន សៀវម៉ី ជឿថាប្រិយមិត្តច្បាស់ជាបានស្គាល់ជាមិនខាន ថាលោកជំទាវគឺ អ្នកជំនួញអនឡាញដ៏វ័យក្មេងម្នាក់ដែលទទួលបានជោគជ័យខ្លាំងនៅក្នុងអាជីពរការលក់ផលិតផលបស់ខ្លួន ប៉ុន្តែមួយរយៈពេលនេះលោកជំទាវកញ៉ា អ៊ាន សៀវម៉ី ហាក់បីមានភាពស្ងប់ស្ងាត់នៅក្នុងបណ្តាញសង្គមហ្វេសប៊ុក ក៏ដូចជាបណ្តាញផ្សេងៗ លោកជំទាវ មិនសូវបង្ហាញមុខនៅលើបណ្តាញសង្គមដូចមុននេះ ។

ជាក់ស្តែងថ្មីៗនេះលោកជំទាវ បានធ្វើឲ្យអ្នកគាំទ្រលោកជំទាវាមានការភ្ញាក់ផ្អើលយ៉ាងខ្លាំងបន្ទាប់ពីលោកជំទាវបានបង្ហោះវិដេអូដែលមានសភាពជាស្ត្រីដែលកំពុងតែមានផ្ទៃពោះដែលកំពុងតែជិតគ្រប់ខែទៅហើយ តាមរយៈរូបថតនេះបានបញ្ជាក់ពីមូលហេតុដែលលោកជំទាវ បាត់មុខពីបណ្តាញសង្គមមួយរយៈកន្លងមកនេះ ។

 ដោយឡែកមិនតែបង្ហោះរូបថតនេះទេគឺលោកជំទាវ ថែមទាំងបានភ្ជាប់មកជាមួយនិងសារមួយឃ្លាដែលមានខ្លឹមសារដូច្នេះថា ៖«ខែក្រោយម៉ាមីឆ្លងទន្លេហេីយបងប្អូននឹកបងប្អូនណាស់យប់នេះសុំឡាយដាក់ប្រមូលសិនអោយសាហាវមួយហេីយណាបងប្អនចូលមេីលអោយទាន់ទាំងអស់គ្នាណា» ៕