កូនកម្លោះជាប់ផឹ កស្រវឹ ង ឪក្មេកខឹ ងពេក លើកកូនក្រមុំឱ្យរៀបការជាមួយភ្ញៀវដែលមកចូលរួម

គេហទំព័រ Indiatimes រាយការណ៍ថា កាលពីថ្ងៃទី២២ ខែមេសា ក្នុងពិធីមង្គលការមួយក្នុងទីក្រុង Maharashtra ប្រទេសឥណ្ឌា កូនកំលោះម្នាក់ជាប់ផឹ កស្រវឹ ងជោ គជាំ បានធ្វើដំណើរមកដល់កន្លែងរៀបអាពាហ៍ពិពាហ៍យឺតយ៉ាវរហូតដល់ទៅ៤ម៉ោង ជាហេតុធ្វើឱ្យឪពុកខាងកូនក្រមុំមានការមិនពេញចិត្ដក្នុងការដែលធ្វើឱ្យរូបគាត់និងភ្ញៀវនាំគ្នាអង្គុយរង់ចាំ នៅទីបំផុតឪពុករបស់កូនក្រមុំក៏សម្រេចចិត្ដលើកកូនរបស់ខ្លួនឱ្យទៅរៀបការជាមួយនឹងភ្ញៀវដែលមកចូលរួមក្នុងពិធីជំនួសវិញ។

សេចក្តីរាយការណ៍ព័ត៌មានបានឱ្យដឹងថា ពិធីមង្គលការនេះ ធ្វើឡើងនៅថ្ងៃទី ២២ ខែមេសា នៅក្នុងភូមិ Malkapur Pangra ក្នុងសង្កាត់ Bulthana ដោយការរៀបចំទាំងអស់ត្រូវបានធ្វើឡើងរួចរាល់ រង់ចាំតែការធ្វើពិធីតែប៉ុណ្ណោះ កូនកម្លោះក្រមុំ ដែលត្រូវប្រារព្ធធ្វើឡើងនាវេលាម៉ោង ១៦.០០នាទីល្ងាច។

ប៉ុន្តែនៅពេលនោះគ្មានវត្ដមានកូនកំលោះ នៅក្នុងរោងការដូចដែលបានធ្វើការគ្រោងទុកនោះឡើយ ដោយកូនក្រមុំនិងនិងក្រុមគ្រួសារបានរង់ចាំកូនកំលោះនៅកន្លែងកើតហេតុរហូតដល់ម៉ោង៨យប់ មិនតែប៉ុណ្ណោះថែមទាំងកូនកម្លោះរូបនោះបានធ្វើការ បង្ហាញខ្លួនក្នុងស្ថានភាពស្រវឹងជោគជាំតែម្ដង ដែលជាហេតុធ្វើឱ្យខាងស្រីទទួលយកមិនបាន។

មូលហេតុដែលកូនកំលោះនិងមិត្តភក្តិមកយឺតគឺដោយសារពួកគេតែងតែផឹកស៊ីរាំលេងកម្សាន្ត សប្បាយដែលភ្លេចពេលវេលា។ “កូនកំលោះ និងមិត្តភ័ក្តិស្រវឹងខ្លាំង បានមកដល់ពិធីនៅម៉ោង ៨ យប់។ ជំនួសឱ្យម៉ោង 4 រសៀល ដោយកូនកម្លោះនិងឪពុកខាងកូនស្រីធ្វើការជជែកតវ៉ាគ្នាយ៉ាងខ្លាំង នៅទីបំផុតនៅតែលើកកូនក្រមុំរូបនោះទៅឱ្យភ្ញៀវដែលមកចូលរួមដដែល។

ឪពុករបស់កូនក្រមុំស្វែងរកកូនកំលោះថ្មីក្នុងចំណោមភ្ញៀវ។ ហើយគេមិននឹកស្មានដល់បានជួបបុរសដែលត្រូវរៀបការជាមួយកូនស្រីរបស់គាត់។ ឪពុករបស់កូនក្រមុំបានសម្រេចចិត្តឱ្យកូនស្រីរបស់គាត់រៀបការជាមួយសាច់ញាតិរបស់គ្រួសារមួយផ្សេងទៀតដែលចូលរួមក្នុងពិធីនោះជាភ្ញៀវជំនួស។

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។