មនុស្សជាច្រើនមានសត្វចិញ្ចឹមដែលពួកគេចូលចិត្ត ផ្តល់ឱ្យពួកគេនូវក្តីស្រឡាញ់ ការយកចិត្តទុកដាក់ និងចង់រក្សាពួកគេឱ្យជិតបំផុតតាមដែលអាចធ្វើទៅបាន។ អាច​ហៅ​ថា​ជា​កូន​ស្រលាញ់​ដែល​មាន​ទាំង​អស់។ ប៉ុន្តែ​សម្រាប់​នារី​ម្នាក់​នេះ នាង​បាន​ធ្វើ​ឱ្យ​មានការ​ភ្ញាក់ផ្អើល​ជា​ខ្លាំង ។ នៅពេលដែលកូនជាទីស្រឡាញ់របស់នាងគឺជាសត្វដែលមានឈាមត្រជាក់គួរឱ្យខ្លាចដូចជាក្រពើ។ លើស​ពី​នេះ នាង​ក៏​ចិញ្ចឹម​ពួកវា​ដោយ​ឯករាជ្យ​ក្នុង​ផ្ទះ​រហូត​ដល់​ទៅ​៦ក្បាល​រួម​គ្នា​ផង​ដែរ ។

កាលពីថ្ងៃទី 7 ខែឧសភា ឆ្នាំ 2022 គេហទំព័រ Daily Star បានលាតត្រដាងថា ស្ត្រីម្នាក់មកពីកោះតៃវ៉ាន់ អ្នកប្រើប្រាស់ប្រព័ន្ធផ្សព្វផ្សាយសង្គមមួយឈ្មោះ Sashimi បានចាប់ផ្តើមទិញក្រពើដំបូងពីអ្នកបង្កាត់ពូជ ដល់ទៅ 6 ក្បាល។ នៅក្នុងហ្វេសប៊ុក​របស់នាង​អាច​មើល​ឃើញ​ថា​នាង​ឲ្យ​ក្រពើ​ទាំង​៦​វារ​ជុំវិញ​កន្លែង​ផ្សេងៗ។ នៅផ្ទះប្រកបដោយផាសុកភាព ដូចជាវាជាសត្វចិញ្ចឹមធម្មតា ដូចជាឆ្កែ ឬឆ្មា។ 

ក្រពើនីមួយៗនៃសាស៊ីមីមានទំហំ និងប្រវែងខុសៗគ្នា។ នាងបាននិយាយថា សត្វមួយក្បាលមានប្រវែងដល់ទៅ 1.5 ម៉ែត្រ និងមានដងខ្លួនធាត់មិនធម្មតា នាងបាននិយាយថា គឺជាសត្វចិញ្ចឹមដ៏គួរឲ្យស្រលាញ់ដូចកូនអញ្ចឹង ជាងមនុស្សគ្រប់រូបគិតទៅទៀតថាវាជាសត្វសាហាវ។ នាងបានភ្ជាប់ទំនាក់ទំនងជាមួយពួកវាដូចជាមិត្តជិតស្និទ្ធ។ នាងចូលចិត្តដេកជាមួយពួកវា ថើបពួកវា ហើយជួនកាលនាំពួកវាទៅខាងក្រៅដើរលេង​ នឹងយកពួកវាទៅហាលថ្ងៃថែមទៀតផង។

មានរឿងមួយនៅក្នុងផ្ទះដែលពួកវាចូលចិត្តខាំ ស្បែកជើងរបស់នាង នៅពេលដែលនាងកំពុងតែធ្វើការយកត្រីពីទូក្លាសេសម្រាប់ធ្វើជាចំណីសម្រាប់សត្វចិញ្ចឹមទាំង៦ក្បាល ដែលពួកសត្វក្រពើទាំងនោះ ធ្វើការប្រមូលផ្ដុំគ្នានៅកន្លែងតែមួយ ដោយរង់ចាំចំណីរបស់វាយ៉ាងមានភាពអន្ទះសារបំផុត។