រឿងរ៉ាវរបស់សត្វឆ្កែក្នុងស្រុកដ៏កំសត់មួយនៅក្នុងប្រទេសចិន បានល្បីសុះសាយយ៉ាងខ្លាំងនៅលើបណ្ដាញសង្គមអ៊ីនធើណេត ដែលសត្វឆ្កែមួយក្បាលនោះបានធ្វើដំណើរជិត 40 គីឡូម៉ែត្រទៅកាន់ផ្ទះដើម ដើម្បីស្វែងរកម្ចាស់ដំបូងរបស់វា ។ ដោយដំណើរសាច់រឿងនៃសត្វឆ្កែដ៏ស្មោះស្ម័គ្រមួយក្បាល ត្រូវបានគេធ្វើការប្រៀបធៀបទៅនឹងខ្សែភាពយន្តរបស់អ្នកដឹកនាំរឿងលោក Richard Gere នៅក្នុងរឿង Hachi: A Dog's Tale ដោយដំណើរនៃខ្សែជីវិតរបស់សត្វឆ្កែពីរក្បាលនេះ ពិតជាដូចគ្នាខ្លាំងណាស់ ។ ម្ចាស់ឆ្កែអាយុប្រាំបីឆ្នាំមួយក្បាលនេះមានឈ្មោះថា Big Yellow បាន ស្លា ប់ ក្នុងអំឡុងបុណ្យចូលឆ្នាំចិន ក្នុងឆ្នាំ 2021 បន្ទាប់មកសត្វឆ្កែមួយក្បាលនេះត្រូវបានកូនបុរសដែល ស្លា ប់ យកទៅចិញ្ចឹមនៅកន្លែងថ្មី ។

ជាក់ស្តែង សត្វឆ្កែមួយក្បាលនេះ “លួចចេញពីកន្លែងថ្មី ហើយត្រឡប់ទៅភូមិវិញ (កន្លែងដែលម្ចាស់របស់វារស់នៅ)  បន្ទាប់ពីប្រហែលមួយសប្តាហ៍” នេះបើយោងតាមការបង្ហោះចែករំលែកនៅលើប្រព័ន្ធផ្សព្វផ្សាយសង្គមរបស់ចិន Douyin ដោយស្ត្រីម្នាក់ដែលគេស្គាល់អត្តសញ្ញាណត្រឹមតែនាមត្រកូល Li ។

ការបង្ហោះក៏មានវីដេអូរបស់សត្វឆ្កែមួយក្បាល ហើយភ្លាមៗនោះក៏ត្រូវបានរីករាលដាលផងដែរ បន្ទាប់ពីអ្នកប្រើប្រាស់បានបញ្ចេញមតិលើឧបទ្ទវហេតុនេះ ហើយបានប្រដូចវាទៅនឹងខ្សែភាពយន្ត Richard Gere ដែលផ្អែកលើរឿងពិតរបស់សត្វឆ្កែមួយក្បាលឈ្មោះ Hachiko ដែលរង់ចាំម្ចាស់របស់វាស្លាប់ ប្រាំបួនឆ្នាំ។

អ្នកស្រី Li បាននិយាយនៅក្នុងវីដេអូ Douyin ថា "ប្រហែលជាគាត់មិនយល់ពីអត្ថន័យនៃសេចក្តីស្លា​ ប់ទេ ហើយហេតុអ្វីបានជាមនុស្សដែលស្រលាញ់គាត់បំផុត លែងនៅជាមួយគាត់"។ 

សារព័ត៌មាន South China Morning Post បានរាយការណ៍ថា សត្វឆ្កែមួយក្បាលនេះ បានដើរតាមដងផ្លូវក្នុងភូមិ ដើម្បីស្វែងរកម្ចាស់ដើមរបស់វា ហើយចំណាយពេលជាច្រើនម៉ោងនៅមុខផ្ទះ ដើម្បីរង់ចាំម្ចាស់វាត្រឡប់មកវិញ។ នាង Li ត្រូវ​បាន​គេ​ដក​ស្រង់​សម្ដី​ថា​៖ «​ខ្ញុំ​មិន​នឹក​ស្មាន​ថា​រឿង​របស់ Big Yellow ក្លាយ​ជា​រឿង​ល្បី​នោះ​ទេ។

នៅក្នុងវីដេអូ Douyin អ្នកស្រី Li ក៏បាននិយាយផងដែរថា អ្នកជិតខាងនាំអាហារមកគាត់ ដើម្បីគោរពភាពស្មោះត្រង់របស់គាត់។ កូនប្រុសរបស់ម្ចាស់ Big Yellow ក៏មកលេងគាត់ម្តងម្កាលនៅក្នុងភូមិដើម្បីមើលពីរបៀបដែលគាត់កំពុងធ្វើ។ អ្នកស្រី Li បាននិយាយថា "គាត់ត្រូវបានមើលថែយ៉ាងល្អនៅក្នុងភូមិ ដែលអ្នកស្រុកភាគច្រើនជាមនុស្សចាស់។ មានអ្នកខាងក្រៅតិចណាស់មកលេង។ គ្រួសារជាច្រើនមានសត្វឆ្កែ ហើយឱ្យពួកគេរត់ជុំវិញភូមិ"។