សេអ៊ូល៖ ប្រព័ន្ធផ្សព្វផ្សាយរដ្ឋកូរ៉េខាងជើង បាននិយាយនៅថ្ងៃព្រហស្បតិ៍ (១២ ឧសភា) ថា ប្រទេសកូរ៉េខាងជើងបានបញ្ជាក់ពីករណីដំបូងរបស់ខ្លួននៃ COVID-19 ហើយបានប្រកាស "ភាពអាសន្នជាតិធ្ងន់ធ្ងរ" ដោយមេដឹកនាំគីម ជុងអ៊ុន បានប្តេជ្ញាថានឹង "លុបបំបាត់" មេរោគនេះ នេះបើតាមប្រព័ន្ធផ្សព្វផ្សាយរដ្ឋបាននិយាយនៅថ្ងៃព្រហស្បតិ៍ (12 ឧសភា) ។

ប្រទេសដែលមានអាវុធនុយក្លេអែរដ៏ក្រីក្រមួយនេះ មិនដែលទទួលយកករណីនៃ COVID-19 នោះទេ ដោយរដ្ឋាភិបាលបានដាក់ការបិទព្រំដែនយ៉ាងតឹងរ៉ឹងចាប់តាំងពីការរីករាលដាលនៃជំងឺរាតត្បាតក្នុងឆ្នាំ 2020។ ប៉ុន្តែសំណាកដែលយកពីអ្នកជំងឺដែលមានគ្រុនក្តៅក្នុងរដ្ឋធានីមួយនេះ ត្រូវបានគេរកឃើញថាជា វ៉ារ្យ៉ង់ប្រភេទ Omicron ដែលអាចមានសមត្ថភាពចម្លងខ្ពស់នៃមេរោគនេះ នេះបើយោងតាមទីភ្នាក់ងារសារព័ត៌មានកណ្តាលកូរ៉េ (KCNA) បានធ្វើសេចក្ដីរាយការណ៍។

មន្ត្រីកំពូល រួមទាំងមេដឹកនាំគីម ជុងអ៊ុន បានបើកកិច្ចប្រជុំការិយាល័យនយោបាយវិបត្តិមួយ ដើម្បីពិភាក្សាពីការផ្ទុះឡើងនៃជំងឺកូវីដ ១៩  ហើយបានប្រកាសថា ពួកគេនឹងអនុវត្ត "ប្រព័ន្ធការពារការរីករាលដាលបន្ទាន់ជាអតិបរមា"។ លោក Kim បានប្រាប់កិច្ចប្រជុំថា "គោលដៅគឺដើម្បីលុបបំបាត់ឫសគល់នៃការឆ្លងមួយនេះ ក្នុងរយៈពេលដ៏ខ្លីបំផុត" នេះបើយោងតាម ​​KCNA ។

លោក Kim បានអំពាវនាវឱ្យមានការត្រួតពិនិត្យ និងវិធានការបិទព្រំដែនកាន់តែតឹងរ៉ឹង ដោយប្រាប់ពលរដ្ឋថា "ទប់ស្កាត់ទាំងស្រុងនូវការរីករាលដាលនៃមេរោគព្យាបាទ ដោយបិទតំបន់របស់ពួកគេឱ្យបានហ្មត់ចត់នៅក្នុងទីក្រុង និងស្រុកទាំងអស់នៅទូទាំងប្រទេស"។