ប្រទេសកូរ៉េខាងជើងបានប្រកាស "ភាពអាសន្នជាតិធ្ងន់ធ្ងរ" បន្ទាប់ពីបានបញ្ជាក់ពីការផ្ទុះឡើងនៃ Covid ផ្លូវការជាលើកដំបូងរបស់ខ្លួនក្នុងទីក្រុងព្យុងយ៉ាង ។ ប្រជាជនត្រូវបានប្រាប់ឱ្យស្នាក់នៅក្នុងផ្ទះជាមួយនឹងការបិទថ្នាក់ជាតិដែលដាក់ដោយអាជ្ញាធរនៅថ្ងៃព្រហស្បតិ៍។ប្រព័ន្ធផ្សព្វផ្សាយរដ្ឋ KCNA បានរាយការណ៍ថា ប្រទេសកូរ៉េខាងជើងបាននិយាយថា ខ្លួនបានរកឃើញការផ្ទុះឡើងនៃប្រភេទ Omicron ដែលត្រូវបានគេស្គាល់ថា BA.2 ដែលអាចមានសមត្ថភាពឆ្លងខ្លាំង ។

ប្រព័ន្ធផ្សព្វផ្សាយរដ្ឋបាននិយាយថា "នេះជាភាពអាសន្ននៅក្នុងប្រទេសកូរ៉េខាងជើង ដែលជាការប្រកាសឱ្យមានការដាក់ឱ្យនៅដាច់ដោយឡែក និងមានការបិទប្រទេសជាបន្ទាន់ ក្រោយពីគ្មានការឆ្លងរីករាលដាលសូម្បីតែមួយករណី នៅក្នុងប្រទេសនេះចាប់តាំងពីការកកើតនៃជំងឺកូវីដ ១៩ ចាប់តាំងពីខែកុម្ភៈ ឆ្នាំ 2020"។

របាយការណ៍នេះត្រូវបានចេញផ្សាយនៅពេលដែលមេដឹកនាំកូរ៉េខាងជើងលោក Kim Jong Un ធ្វើជាប្រធានកិច្ចប្រជុំគណបក្សកម្មករដើម្បីពិភាក្សាអំពីការឆ្លើយតបទៅនឹងការផ្ទុះឡើងដំបូងនៃវីរុសនេះ។ គោលនយោបាយនៅក្នុងការទប់ស្កាត់នៃវីរុស​កូវីដ​១៩ នៅក្នុងប្រទេសមួយនេះត្រូវបានដាក់ចេញយ៉ាងតឹងរ៉ឹងបំផុត ចាប់​បាន​ដាក់​តាំង​ពី​ដើម​ដំបូង​នៃ​ជំងឺ​រាតត្បាត​ដើម្បី​បញ្ឈប់​ការ​រីក​រាល​ដាល​នៃ​មេរោគ​ឆ្លង​ទូទាំង​ប្រទេស។ 

ជាងនេះអ្នកវិភាគជាច្រើនបានធ្វើការសន្និដ្ឋានថា  គ្រឹះស្ថានសុខាភិបាលនៅក្នុងប្រទេសមួយនេះមានកម្រិត ម្យ៉ាងប្រទេសមួយនេះជាប្រទេសផ្ដាច់ការដាច់ដោយឡែកពីប្រទេសនានា ក្នុងផ្នែកនយោបាយ បានធ្វើឱ្យលោក Kim Jung-un មានការព្រួយបារម្ភជាខ្លាំថា Covid អាចមានផលប៉ះពាល់យ៉ាងធ្ងន់ធ្ងរចំពោះប្រទេសរបស់ខ្លួន។