គ្រប់គ្នាប្រាកដជាបានស្គាល់ កុមារី សុខ គីមហ័រ ហៅល្អហួស ដែលមានក្តីស្រម៉ៃធំឡើងចង់ធ្វើជាបវរកញ្ញា តំណាងជាតិ បានរំលេចកាយវិការល្វតល្វន់ ស័ក្តិសមជាមួយឈុតបែបបុរាណ ។ បើយោងតាមគណនីហ្វេសប៊ុក របស់លោកគឺម សាន ដែលត្រូវជាឪពុកមារបស់នាង កម្រងរូបថតរបស់ កុមារី រូបឆោមលោមពណ៌ ស្រស់សោភា ល្អហួស បានទាក់ទាញចិត្តរបស់មហាជនជាច្រើន ឲ្យល ង់ស្រឡាញ់ ទៅលើក្មេងស្រីម្នាក់ យ៉ាងខ្លាំង។

យ៉ាងណាមិញ នាពេលកន្លងទៅ លោក គឹម សាន ហៅ ល្អហួស ធ្លាប់បានបង្ហោះសារទាក់ទិនទៅនឹង កុមារីល្អហួស ដោយរៀបរាប់ពីរូបសម្បត្តិរបស់នាងថា " កុមារិល្អហួស មានអាយុ១៣ឆ្នាំ (តែបើគិតមកដល់ពេលនេះ កុមារីល្អហួស មានអាយុ១៣ឆ្នាំ ហើយ) កម្ពស់ ១,៥៧ សង់ទីម៉ែត្រ ទម្ងន់ ៣៦ គីឡូក្រាមសម្បុរស្រអែម។

ល្អហួស មានសមត្ថភាពអាចប្រើប្រាស់បានជាច្រើនភាសា ដូចជាភាសាជាតិ អស់គ្លេស និង ភាសាថៃបានយ៉ាងល្អ។ កុមារីរូបនេះ ក៏មានទេពកោសល្យផ្នែកសិល្បៈខាងរបាំបុរាណខ្មែរ​ នាងអាចរាំរបាំបុរាណខ្មែរ បាន៧ របាំយ៉ាងស្អាត និងស្ទាត់ជំនាញ ដូចជារបាំថ្វាយព្រះពរ របាំជូនពរ របាំនារីជាជួរ របាំឈួយឆាយ របាំភួងនារី និង របាំនាគបួងសួង។

បើងាកមកមើលពីរូបសម្រស់របស់ប្អូនស្រីល្អហួស ដែលមានការចែកចាយរូបភាព ជាច្រើនលើបណ្តាញសង្គមហ្វេសប៊ុក ក្នុងឈុតសំលៀកបំពាក់ទៅវត្ត ពិតជាស្រស់ស្អាត និង គួរឲ្យស្រឡាញ់ ជាមួយភាពទន់ភ្លន់ កំពុងតែរាប់បាត្រ អមជាមួយការតុបតែងខ្លួន សំពត់បត់បែបប្រពៃណីស្រស់ស្អាតខ្លាំងណាស់។ ពេលបានឃើញរូបសម្រស់របស់ល្អហួស ក៏បានបង្ហោះសារថា រូបសម្បត្តិសាកសមជានារីខ្មែរមែនក្មួយ, ល្អម្ល៉េះទេ ម្ចាស់ថ្លៃ, ស្អាត សម្លៀកបំពាក់ ជាវប្បធម៌ ប្រពៃណីខ្មែរយើង, ល្អពិតដូចឈ្មោះមែនអូន៕