ពិតណាស់ប្រិយមិត្តមួយចំនួនប្រាកដស្គាល់រួចមកហើយ អតីតតារាចម្រៀង លោក ឃុំប៉ុណ្នាដែត កាលពីពេលថ្មីៗត្រូវបានកញ្ញា Rose បានសរសរសា មាក់ងាយ​ មកកាន់ខ្លួន និងភរិយា ក្រោយឡើងលោកបានសម្រេចចិត្តចេញវីដេអូឡាយ តបទៅកាន់ Rose វិញ អ្វីៗក៏ស្ងប់ស្ងាត់ទៅវិញ ក្រោយ Rose ចេញមុខសុំទោស។

យ៉ាងណាមិញ មួយរយៈចុងក្រោយនេះ ក៏បានហេតុការណ៍មួយបានកើតឡើងករណីគប់ទឹកកកទៅកាន់តារាចម្រៀងរ៉េប ជីដេវីតនៅក្លឹបកម្សាន្តមួយកន្លែងនាខេត្តព្រះសីហុកាលពីចុងសប្តាហ៍មុននេះ។ 

តារារ៉េបលោក ជីដេវីត បានបញ្ចេញសារថា”តបតាមការស្នើសុំរបស់អ្នកគាំទ្រមិនអាចបំភ្លេចរឿងនេះបានមុននេះជីដេវីតបានចេញមុខ បង្ហោះសារយ៉ាងវែងអន្លាយមួយថា ថ្ងៃនេះបន្ទាប់ពីខ្ញុំបានមេីល Security Video ខ្ញុំពិតជាតក់ស្លុតនឹងហួសចិត្ត ជាមួយអាកប្បកិរិយា គួរ អោយខ្ពេីមរអេីម ពោរពេញ ដោយការមេីលងាយជិះជាន់តម្លៃមកលេីរូបខ្ញុំជាអ្នកសិល្បៈ ខ្លាំងណាស់ គឺ ខ្លាំងហួសពីការស្មាន។

ចំណែក កញ្ញា ទេព បូព្រឹក្ស ត្រូវបានបុរសម្នាក់ នៅក្នុងហាងលក់គ្រឿងសមុទ្រមួយកន្លែង ជះនិងគប់កំប៉ុងស្រាបៀរទៅលើរូបនាង ខណៈនាងកំពុងតែច្រៀងនៅលើឆាក ហេតុការណ៍នេះបានបង្កការភ្ញាក់ផ្អើលយ៉ាងខ្លាំងកាលពី​វេលាម៉ោង​១០៖០៥នាទីយប់​ ថ្ងៃអង្គារ៍​ ទី២៥ ខែធ្នូ​ ឆ្នាំ២០១៨នេះ នៅចំណុចភោជនីយដ្ឋាន​មួយ​យីហោ​ «សមុទ្រ»​ ស្ថិតនៅជិតមន្ទីរពេទ្យ​កុមារជាតិ​ ស្ថិតក្នុងសង្កាត់ទឹកល្អក់ទី១ ខណ្ឌទួលគោក​ រាជធានីភ្នំពេញ​ ។

ក្រោយពីរឿងហេតុទាំងនេះបានកើតឡើង ក៏មានហេតុការណ៍មួយទៀត​គឺ ប្អូនស្រី​ សុឹម​ ថៃណា​ ប៉ុន្មានថ្ងៃមុន​ ក៏ត្រូវបានមនុស្សជេរ​ បញ្ចោរ​ ក្នុងទីតាំង​ភោជនីយដ្ឋានមួយកន្លែង នេះបើយោងតាម លោក ឃុំ ប៉ុណ្នាដែត បង្ហោះសារ។ ក្នុងនោះដែរលោក បានបន្ថែមថា ពិតជាមានរឿងមិនចេះចប់សម្រាប់ការមេីលងាយ​ ប្រមាថមកលេីអ្នកសិល្បះ​ បេីខ្ញុំចាំមិនភ្លេចទេប៉ុន្មានឆ្នាំមុន​

១​ .ប្អូនស្រី​ ទេព​ បូព្រឹក​ ក៏ធ្លាប់បាន​ គេគប់ទឹកកក​ដាក់

២.​ ប្អូន​ ជា​ ដេវិត​ ក៏ត្រូវគេគប់ទឹកកកដាក់ដែរ

៣.​ ប្អូនស្រី​ សុឹម​ ថៃណា​ ប៉ុន្មានថ្ងៃមុន​ ក៏ត្រូវបានមនុស្សជេរ​ បញ្ចោរ​ ក្នុងទីតាំង​ភោជនីយដ្ឋានមួយកន្លែង

​ និយាយនេះសូម្បីតែភរិយាខ្ញុំកាលពីពួកយេីងច្រៀងនៅ​Spark ក៏ធ្លាប់បានគេប៉ះពាល់​មេីលងាយដែរ​ ។

ខ្ញុំចង់និយាយទៅកាន់មនុស្សប្រភេទនេះ​ ទោះបីជាពួកយេីងមិនមែនអ្នកសិល្បះក៏ដោយ​ ក្នុងករណីធ្វេីបែបនេះគឺបំពានសិទ្ធបុគ្គលហេីយ​ អ្នកអាចជាប់ទោសទណ្ឌ​ តាមជាក់ស្តែង​ ។

ជាចុងក្រោយខ្ញុំសូមអោយបងប្អូន​ប្រជាជនខ្មែរទាំងអស់​ និងស្ថាបណ្ណពាក់ពន្ធ​័​ បងប្អូនសារពត៌មានទាំងអស់មេត្តាយកចិត្តទុកដាក់ផ្សព្វផ្សាយលេីកតម្លៃសិល្បះខ្មែរយេីងផង​ ហេីយអ្នកដែលចូលចិត្តបំពុលសង្គមសូមកាត់បន្ថយការផ្សព្វផ្សាយជៀសវាងជាគំរូអាក្រក់ដល់ក្មេងៗជំនាន់ក្រោយ​  ខ្ញុំសូមអភ័យទោសជាមុនបេីមានការលេីសលស់ក៏គ្មានបំណងប៉ះពាល់បងប្អូនណាឡេីយ​៕