ខេត្តតាកែវ ៖ (តាមរយៈព័ត៌មានបឋម) បានឱ្យដឹងថា ៖ មន្ទីរសម្រាកព្យាបាល និងសម្ភព សុង ហាក់ ម៉ារីណាសុខា ឆៃរ៉ា នៅឃុំត្រពាំងក្រសាំង ស្រុកបាទី ខេត្តតាកែវ ជិតផ្សារសំរោងយ៉ោង ចាក់ថ្នាំស្ត្រីម្នាក់ បាត់បង់ជីវិត រួចដឹកសាកសព និងយកកូនជនរងគ្រោះអាយុ ៣ឆ្នាំ ទៅប្លុងចោល។

ស្ត្រីរងគ្រោះឈ្មោះ ណាំ ចន្ធូ អាយុ ៤១ឆ្នាំ រស់នៅភូមិ ម្រះព្រៅ ឃុំចំបក់ ស្រុកបាទី ខេត្តតាកែវ និងកុមារីម្នាក់ទៀត អាយុ ៣ ឆ្នាំជាកូន បានទៅចាក់ថ្នាំនៅគ្លីនិកឯកជនមួយក្បែរផ្ទះធ្វើឱ្យប្រតិកម្មថ្នាំរហូតដល់បាត់បង់អាយុជីវិត ហើយបានយកទៅប្លុងចោលនៅភូមិទឹកថ្លាចម្ងាយ 3 គីឡូម៉ែត្រពីផ្ទះ បើតាមការបញ្ជាក់ពីសមត្ថកិច្ចបានចុះស៊ើបអង្កេត ធ្វើកោសល្យវិច្ច័យ នៅថ្ងៃទី ១៩ ខែវិច្ឆិកា ឆ្នាំ ២០២៤។