លោកស្រី សឿន សំណាង ពលការិនីខ្មែរ ដែលទៅប្រកបរបរនៅប្រទេសថៃ បានជួបគ្រោះថ្នាក់បាក់កែងជើង ដោយសារព្យុះរញ្ជួយដី កាលពីថ្ងៃទី ២៨ ខែមីនា ឆ្នាំ ២០២៥រូវបានទទួលការព្យាបាលភ្លាមៗនៅ មន្ទីរពេទ្យមិត្តភាពកម្ពុជា-ចិន ព្រះកុសុមៈ។

បន្ទាប់ពីកើតហេតុ លោកស្រីត្រូវបានបញ្ជូនត្រឡប់មកកាន់ស្រុកកំណើត ភូមិវាលថ្នល់ ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ ហើយបន្តមកធ្វើការព្យាបាលភ្លាមៗនៅ មន្ទីរពេទ្យមិត្តភាពកម្ពុជា-ចិន ព្រះកុសុមៈ។

ក្រោយពេលបញ្ជូនមកមន្ទីរពេទ្យ លោកស្រី សឿន សំណាង បានទទួលការវះកាត់ដោយប្រកបដោយសុវត្ថិភាព តាមការយកចិត្តទុកដាក់ជាទីល្អពី សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី តាមរយៈសមាគម គ្រូពេទ្យស្ម័គ្រចិត្តយុវជនសម្តេចតេជោ (TYDA)។ កិច្ចការចំណាយទាំងអស់ ចាប់ពីការព្យាបាល ស្នាក់នៅ អាហារ និងការធ្វើដំណើរ ត្រូវបានឧបត្ថម្ភទាំងស្រុងដោយ សម្តេចធិបតី ហ៊ុន ម៉ាណែត និងលោកជំទាវ។

សូមបញ្ជាក់ថា៖ កន្លងមក ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា រាជរដ្ឋាភិបាលកម្ពុជា បា យកចិត្តទុកដាក់ខ្ពស់ចំពោះសុខុមាលភាព និងសិទ្ធិពលករចំណាកស្រុក ដោយសង្កត់ធ្ងន់ទៅលើការជួយសង្គ្រោះ និងការងារតាមដានសុខុមាលភាពពលករខ្មែរ។

សូមរំឭកថា ក្នុងរយៈពេលចុងក្រោយនេះ រាជរដ្ឋាភិបាលកម្ពុជាបានបន្តពង្រឹងវិធានការពារពលករខ្មែរដែលធ្វើការ​នៅបរទេស ដោយ ផ្តល់ជំនួយជាបន្ទាន់ក្នុងករណីមានគ្រោះថ្នាក់ និងបង្កើនសហការជាមួយប្រទេសទទួលពលករ ដើម្បីធានាសិទ្ធិពលករខ្មែរ។