ព្រះសីហនុ៖ យុវជន​ម្នាក់​ត្រូវបាន​ប៉ូលិស​ប៉ុស្តិ៍​រដ្ឋបាល​ចាប់ខ្លួន ពីបទ​រំលោភ​សេពសន្ថវៈ លើ​ក្មេងស្រី អាយ១៥ឆ្នាំ​បានសម្រេច​ចំនួន២ដង ហើយ​គម្រាម​ជនរងគ្រោះ​មិនប្រាប់អ្នកណា ហើយមិនដូចនេះ នាងនិងត្រូវស្លាប់ជាមិនខានឡើយ ដែលហេតុការណ៍នេះបានកើតឡើង កាលពីថ្ងៃទី១៧ ខែមេសា ​ឆ្នាំ២០១៨ ស្ថិតនៅ​ភូមិ​រាម ឃុំ​រាម ស្រុក​ព្រៃនប់ ខេត្ត​ព្រះសីហនុ។

ជនសង្ស័យ ឈ្មោះ ណៃ សុ​ភ័​ក្រ ភេទ​ប្រុស អាយុ២២ឆ្នាំ មុខរបរ​បើកបរ​រថ​យន្ដ មាន​ស្រុកកំណើត​ភូមិ​ថ្កូវ ឃុំ​ថ្កូវ ស្រុក​កំពង់ត្របែក ខេត្តព្រៃវែង បច្ចុប្បន្ន ស្នាក់នៅ​បណ្ដោះអាសន្ន​នៅ​ខេត្ត​ព្រះសីហនុ។ រីឯ​យុវតី​ជនរងគ្រោះ​អាយុ១៥ឆ្នាំ មាន​ទីលំនៅ​ភូមិ​រាម ឃុំ​រាម ស្រុក​ព្រៃនប់ ខេត្ត​ព្រះសីហនុ មុខរបរ ផ្នែក​ខាង​រៀបចំ​បន្ទប់​នៅ​ក្រុមហ៊ុន​យិះ​ចៀ។ ជនសង្ស័យ​បានធ្វើ​សកម្មភាព​រំលោភ លើ​ក្មេងស្រី​រងគ្រោះ​បានសម្រេច​ចំនួន​ពីរដង នៅក្នុង​បន្ទប់ដេក​របស់​ជនរ​ង​គ្រោះ។ នៅក្នុងករណីនេះ​ ខាងជនរងគ្រោះបានអោយដឹងថា ខ្លួនត្រូវបានជនសង្ស័យចាប់រំលោភចំនួនពីរដងរួចមកហើយ ដែលលើកទី១​ យប់​ថ្ងៃទី១៣ ខែមីនា​ឆ្នាំ២០១៨ម្តង និង​លើក​ទី​ពីរ នៅវេលា​ម៉ោង២៣យប់​ថ្ងៃទី១៦ខែមីនា ឆ្នាំ២០១៨ ហើយ​ជនសង្ស័យ​គេចខ្លួន។​ ដោយការងឿងឆ្ងល់ពីក្រុមគ្រួសារនៃជនរងគ្រោះ ក៏បានសួរនាំហើយក៏នាំទៅដាក់ពាក្យបណ្តឹងតែម្តងទៅ៕ ដោយ៖ វិសុទ្ធ