ផ្លែស្រកានាគត្រូវ អ្នកជំនាញអះអាងថា ផ្ទុកសារធាតុចិញ្ចឹមរាងកាយមិនចាញ់ផ្លែឈើផ្សេងៗឡើយ ។ ក្រៅពីវីតាមីន វាក៏សម្បូរដោយសារធាតុរ៉ែផងដែរ ហើយផ្តល់អត្ថប្រយោជន៍សុខភាពយ៉ាងសម្បើមដូចខាងក្រោម ៖
១-សំបូរទៅដោយសមាសធាតុប្រឆាំងអុកស៊ីដកម្ម ជួយឱ្យរាងកាយកម្ចាត់រ៉ាឌីកាល់សេរីក៏ដូចជា ធាតុដែលនាំឱ្យកើតមហារីក ។
២-ជួយទប់ស្កាត់ការវិវត្តិនៃស្បែក៖ ទទួលទានផ្លែឈើនេះនឹងជួយឱ្យស្បែកតឹងណែន ក្មេងជាងវ័យនិងមានសុខភាពល្អ ។ វិធីមួយទៀត គេអាចយកវាទៅបិទលើស្បែកមុខ ទុកចោល១៥-២០នាទី ទើបលាងជម្រះដោយទឹកធម្មតា ។
៣-ជួយឱ្យសុខភាពបេះដូងល្អប្រសើរ ៖ ផ្លែស្រកានាគគឺជាជម្រើសល្អមួយ វាជួយកែលំអសុខភាពបេះដូង ដោយបញ្ចុះកម្រិតខ្លាញ់កូឡេស្តេរ៉ូលអាក្រក់ តែបង្កើនកម្រិតកូឡេស្តេរ៉ូលល្អ ។
៤-ជួយគ្រប់គ្រង និងប្រឆាំងជំងឺទឹកនោមផ្អែម ព្រមទាំង ធ្វើឱ្យល្អប្រសើរដល់ប្រព័ន្ធរំលាយអាហារ ៖ ជាប្រភពដែលសម្បូរបែបដោយសារធាតុសរសៃនាំឱ្យផ្លែឈើមួយប្រភេទនេះ មានលទ្ធភាពជួយធ្វើឱ្យមានលំនឹងកម្រិតស្ករក្នុងឈាម និងព្រមទាំងកែលំអដល់ប្រព័ន្ធរំលាយអាហារ ។
៥-ជួយដល់សុខភាពភ្នែក ៖ ស្រកានាគសម្បូរច្រើនដោយវីតាមីនA ដែលជាប្រភពសំខាន់ជួយដល់សុខភាពភ្នែក ៕
