ខេត្តកំពង់ឆ្នាំង៖ រថយន្តដឹកស្វាបុករថយន្តដឹកត្រី បណ្តាលអោយមនុស្ស៣នាក់រងរបួសស្រាល ជិះក្នុងការប៊ីនរថយន្ត កាលពីវេលាម៉ោង៤និង១៥នាទី ទាបភ្លឺពញរឹកថ្ងៃទី២៧ ខែមេសា ឆ្នាំ២០១៨ នៅលើផ្លូវជាតិលេខ៥ ក្នុងភូមិទី១ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។

បើតាមសម្តីរបស់សមត្ថកិច្ចបានប្រាប់អោយដឹងថា សមត្ថកិច្ចនគរបាលចារចរណ៍ក្រុងកំពង់ឆ្នាំង បានអោយដឹងថា៖ មុនពេលកើតហេតុរថយន្តម៉ាកហ៊ីយ៉ាន់ដាយមួយគ្រឿង ពាក់ស្លាកលេពោធិ៍សាត់ 3A-0469 ដឹកត្រីពីស្រុកក្រគរ ខេត្តពោធិ៍សាត់ ទៅភ្នំពេញ អ្នកបើកបរបានឈប់រថយន្តចុះបត់ជើងតូចនៅចំណុចផ្លូវកោង ខណៈនោះរថយន្តហ៊ីយ៉ាន់ដាយមួយគ្រឿងទៀតពាក់ស្លាកលេខកំពង់ចាម 3A-1825 ដឹកស្វាយមកពីខេត្តបាត់ដំបងទៅក្រុងភ្នំពេញបានបើកមកពីក្រោយក្នុងទិសដោស្របគ្នាក្នុងល្បឿនលឿន ក៏បានបុកពីរថយន្តដឹកត្រីពីក្រោយរុញផ្ទប់និងរបងវត្តខ្សាម ក្រឡាប់បះជើង បណ្តាលអោយអ្នកជិះក្នុងកាប៊ីរថយន្ត៣នាក់របួសស្រាល។ ក្រោយពេលកើតហេតុ រថយន្តទាំងពីរគ្រឿងត្រូវបានសមត្ថកិច្ច នាំរយន្តបង្ករហេតុមករក្សាទុកក្នុងអធិការដ្ឋាននគរបាលក្រុងកំពង់ឆ្នាំង ដើម្បីធ្វើការដោះ ស្រាយតាមផ្លូវច្បាប់៕ ដោយ៖ កាទី