រកបានហើយ ស៊ែរចែកគ្នាដឹងផង...ឱសថធម្មជាតិព្យាបាលប្រមេះទឹកបាយ ! - សុខភាព - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

រកបានហើយ ស៊ែរចែកគ្នាដឹងផង...ឱសថធម្មជាតិព្យាបាលប្រមេះទឹកបាយ !

មុននឹងសិក្សាពីរូបមន្តធម្មជាតិព្យាបាលប្រមេះទឹកបាយ សូមមកស្វែងយល់អំពីជំងឺនេះ (ប្រមេះទឹកបាយ) ជាមុនសិន ដូចខាងក្រោម៖ ១. ជំងឺប្រមេះទឹកបាយជាអ្វី? ជំងឺប្រមេះទឹកបាយ គឺជាជំងឺឆ្លងមួយប្រភេទដែលបង្កឡើងដោយបាក់តេរីម្យ៉ាងឆ្លងតាមរយៈការរួមភេទ និងអាចកើតទាំងមនុស្សប្រុសទាំងមនុស្សស្រី ។ ជំងឺប្រមេះទឹកបាយច្រើនមានការប៉ះពាល់ទៅលើបង្ហួរនោម ថ្នក់លាមក(rectum) ឬបំពង់ក ។ ចំពោះមនុស្សស្រីវិញ ជំងឺប្រមេះទឹកបាយក៏ប៉ះពាល់ទៅលើមាត់ស្បូនផងដែរ ។ មនុស្សភាគច្រើនឆ្លងជំងឺប្រមេះទឹកបាយនេះតាមរយៈការរួមភេទ ។ ប៉ុន្តែចំពោះទារកក៏អាចឆ្លងជំងឺនេះបានតាមរយៈការសំរាលកូនប្រសិនបើម្តាយនោះមានផ្ទុកជំងឺនេះ ។ ទារកអាចនឹងមានការប៉ះលើភ្នែកច្រើនជាងគេ ។ ជំងឺប្រមេះទឹកបាយគឺជាជំងឺឆ្លងមួយប្រភេទដែលគេច្រើនជួបប្រទះ ហើយករណីមួយចំនួនមិនបង្កជារោគសញ្ញាអ្វីទាំងអស់ ។ អ្នកប្រហែលជាមិនធ្លាប់ដឹងថាខ្លួនឯងឆ្លងជំងឺនេះផងក៏មិនដឹង ។ ការតមការរួមភេទ ការប្រើស្រោមអនាម័យក្នុងពេលរួមភេទ និងការស្រលាញ់មនុស្សម្នាក់ស្មោះមួយនឹងមួយ គឺជាមធ្យោបាយដ៏ល្អបំផុតក្នុងការការពារជំងឺឆ្លងតាមការរួមភេទ ។

២. រោគសញ្ញា ជំងឺឆ្លងប្រមេះទឹកបាយអាចប៉ះពាល់ដល់កន្លែងជាច្រើននៃរាងកាយមនុស្សយើង ប៉ុន្តែកន្លែងដែលប៉ះពាល់ច្រើនជាងគេគឺផ្លូវប្រដាប់បន្តពូជ ។ ប្រដាប់បន្តពូជ រោគសញ្ញារបស់ប្រដាប់បន្តពូជបុរសមានដូចជា៖

- ឈឺខ្លាំងពេលនោម - មានហូរខ្ទុះពីចុងលិង្គ - ឈឺ ឬហើមពងស្វាស

រោគសញ្ញារបស់ប្រដាប់បន្តពូជស្ត្រីមានដូចជា៖ - ហូរទឹករំអិលទ្វារមាសកាន់តែច្រើន - ឈឺចាប់ខ្លាំងពេលនោម - ហូរឈាមតាមទ្វារមាសក្នុងពេលមិនទាន់មករដូវដូចជា បន្ទាប់ពីរួមភេទរួច

- ឈឺពោះ - ឈឺក្នុងអាងត្រគៀក កន្លែងផ្សេងៗទៀតនៃរាងកាយ ជំងឺប្រមេះទឹកបាយក៏អាចប៉ះពាល់ទៅដល់កន្លែងទាំងនេះនៃរាងកាយដូចជា៖

- ថ្នក់លាមក៖ រោគសញ្ញាមានដូចជារមាស់នៅក្នុងរន្ធគូថ មានហូរខ្ទុះចេញ មានកំណកឈាមស្រស់នៅលើក្រដាស់អនាម័យពេលសំអាត និងពេលបន្ទោរបង់រួច ។ - ភ្នែក៖ ជំងឺប្រមេះទឹកបាយដែលប៉ះពាល់ទៅលើភ្នែកប្រហែលជាធ្វើអោយភ្នែកឈឺ មិនអាចប៉ះពន្លឺបាន និងមានហូរខ្ទុះចេញពីភ្នែកម្ខាងឬទាំងសងខាង ។ - បំពង់ក៖ រោគសញ្ញានៃជំងឺលើបំពង់កប្រហែលជាមានដូចជាឈឺបំពង់ក និងហើមកូនកណ្តុរនៅក - សន្លាក់៖ ប្រសិនបើសន្លាក់មួយ ឬច្រើនទៅជាមានបញ្ហារលាកសន្លាក់ដោយសារបាក់តេរី វានឹងធ្វើអោយសន្លាក់នោះទៅជាក្តៅ ក្រហម ហើម និងឈឺចាប់ខ្លាំង ជាពិសេសនៅពេលអ្នកធ្វើចលនាសន្លាក់នោះ ។

៣. មូលហេតុ ជំងឺប្រមេះទឹកបាយត្រូវបានបង្កឡើងដោយបាក់តេរីម្យ៉ាងដែលមានឈ្មោះថា Neisseria Gonorrhoeae ។ បាក់តេរីជំងឺប្រមេះទឹកបាយវាច្រើនតែចម្លងពីមនុស្សម្នាក់ទៅមនុស្សម្នាក់ទៀតតាមរយៈការរួមភេទដូចជាការរួមភេទតាមមាត់ តាមរន្ធគូថ ឬតាមទ្វារមាស ។

ខាងក្រោមនេះជារូបមន្តធម្មជាតិជួយព្យាបាលប្រមេះទឹកបាយ៖ រុក្ខជាតិឱសថ៖ ទំពាំងបាយជូរព្រៃ

ផ្នែកប្រើប្រាស់ៈ ដើម ស្លឹក វិធីប្រើ និងកម្រិតប្រើៈ ហាលស្ងួត១៥-៣០ក្រាម ដាំទឹក១លីត្រផឹកក្នុងមួយថ្ងៃ។ – បើហើមដោយមុតមានខ្ទុះខាងក្នុងគេច្រើនយកមើមទំពាំងបាយជូរ និងមើមតាថុកដុសនឹងទឹកអង្ករលាបពីលើនឹងបានជាសះស្បើយ។

ប្រភពៈ អង្គការពោកាវ និងមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ្យនៃក្រសួងសុខាភិបាល។ សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។ សម្រួលអត្ថបទដោយ៖ អ៊ាង សុផល្លែត ខាងក្រោមជារូបភាពបន្ថែមនៃផ្លែទំពាំងបាយជូរព្រៃ