រតនគីរី៖ បុរស​ម្នាក់ផឹកស្រាស្រវឹង រួចយកកាំបិតមកអារ.កប្រពន្ធ ប៉ងសម្លាប់ ព្រោះតែរឿងឈ្លោះប្រកែកគ្នាតិចតួច ដែលហេតុការណ៍នេះបានកើតឡើង កាលពីថ្ងៃទី៤ ខែឧសភា ឆ្នាំ២០១៨ ស្ថិតនៅ​ភូមិ បី​ឃុំ​ស្រែ​អង្គ្រង ត្រង់ចំណុច​ការដ្ឋាន០៥របស់​ក្រុមហ៊ុន ហង អា​ញ​លំផាត់។

ជនសង្ស័យមានឈ្មោះ ហឿន អាយុ៣២ ឆ្នាំ ជនជាតិខ្មែរ រស់នៅ ភូមិ ឃុំ ខាងលើ ។ ចំណែកស្រ្តីរងគ្រោះមានឈ្មោះ កេ​ន ច​ន្នី​អាយុ៣៥ឆ្នាំ ខ្មែរ។ បើតាមសម្តីរបស់សមត្ថកិច្ចបានប្រាប់ឲ្យដឹងថា មូលហេតុដល់ថ្នាក់ចង់អារ.កសម្លាប់ប្រពន្ធ ដោយសារតែ ការឈ្លោះប្រកែកគ្នា ហើយប្តីក៏បានទៅផឹកស្រា ពេលត្រលប់មកវិញស្រាប់តែចាប់ប្រពន្ធអារ.កតែម្តង។ បច្ចុប្បន្នបុរសជាប្តីត្រូវបានសមត្ថកិច្ចធ្វើការឃាត់ខ្លួន កសាង​សំណុំរឿង​ចាត់ការ​តាមច្បាប់ ៕ ដោយ៖ ភារះ