តារាចម្រៀង លោក ឆាយ វីរៈយុទ្ធ​ និង កញ្ញា សុខ ពិសី គ្រាន់តែចេញ វីដេអូភ្លាម ធ្វើឲ្យទស្សនិកជន គាំទ្រជាច្រើន​ ដោយសារអត្តន័យក្នុងបទចម្រៀង ចាក់ដោត អមជាមួយនឹងទឹកដមរបស់អ្នកទាំងពីរ ពិតជាពិរោះរណ្តំចិត្តមិត្តអ្នកស្តាប់ អ្វីដែលពិសេសនោះ គឺកាយវិការមួយបទនេះ អាចនិយាយបានថាល្អឥតខ្ចោះតែម្តង។

ក្នុងបទចម្រៀង "ស្រលាញ់អូនមួយពេល ស្រលាញ់គេមួយជិវិត" ជាបទចម្រៀងមួយដ៏មានអត្តន័យខ្លាំងណាស់ ដោយបុរសសាវាម្នាក់ ស្រលាញ់ស្រីជាច្រើនអ្នក ហើយបង្ខំបែកពីសង្សារព្រោះតែខ្លួនមានមនុស្សម្នាក់ ដែលខ្លួនត្រូវស្រលាញ់ ដូចពាក្យថាមនុស្សប្រុសទោះបីស្រលាញ់ស្រីច្រើនយ៉ាងណា ក៏មិនដែលចោលប្រពន្ធដ៏ល្អនៅផ្ទះនោះទេ ចឹងមែនអត់??? ខណៈពេលដែលលោក ឆាយ វីរៈយុទ្ធ ចេញ វីដេអូមិនទាន់បានប៉ុន្មានផង ក៏មានវីដេអូ របស់កញ្ញា សុខ ពិសី ចេញមកធ្វើការបកស្រាយ​ ដោយរៀបរាប់ថា "ហេតុអី្វបងយកអូនមកលេងសើច អូនអ្នកមកមុនបានត្រឹមទឹកភ្នែក បងដឹងទេ ថាអូនឈឺចាប់ប៉ុនណា ហេតុអ្វីទៅបង?​" ក្នុងបទចម្រៀងមានចំណងជើងថា "ហេតុអ្វីយកអូនលេងសើច?"។ ប្រភព៖ Sunday Production