ពិតជាឡូយមែនទែន! អនាគតឪពុកម្ដាយក្មេក នី រតនា មានវីឡាច្រើនកន្លែងទាំងនៅភ្នំពេញ និងតាមខេត្ត ឃើញហើយគួរឲ្យច្រណែនណាស់…

ពិតណាស់ក្រោយពីពេលដែលម្ចាស់ពានរង្វាន់ Cambodian idol រដូវកាលទី១ លោក នី រតនា បានភ្ជាប់ពាក្យរួចមក គេសង្កេតឃើញថាលោកនិងគូដណ្ដឹងកាន់តែមានភាពផ្អែមល្ហែមជាមុនទៅទៀត។

ជុំវិញរឿងរ៉ាវ នី រតនា ភ្ជាប់ពាក្យជាមួយកូនអ្នកជំនួញនៅទីក្រុងភ្នំពេញ កាលពីថ្ងៃទី ២៧ ខែមេសា ឆ្នាំ ២០១៨ កន្លងទៅទទួលបានការចាប់អារម្មណ៍យ៉ាងខ្លាំងពីមហាជនទូទៅ ទាំងក្នុង និងក្រៅសិល្បៈ។ ពិធីភ្ជាប់ពាក្យរបស់ នី រតនា ជាមួយកូនអ្នកជំនួញត្រូវបានធ្វើឡើងក្នុងវីឡាដ៏ធំស្កឹមស្កៃរបស់កូនក្រមុំស្ថិតនៅបុរីប៉េងហ៊ួត ច្រមុះជ្រូក ស្ទឹងមានជ័យ ដោយមានការអញ្ជើញចូលរួមជាភ្ញៀវកិត្តិយសពីមិត្តភ័ក្ដិសិល្បៈ ជាច្រើនរូបផងដែរ។

ក្រៅពីមានមុខជំនួញជាច្រើននៅក្នុងដៃហើយនោះអនាគតឪពុកម្ដាយក្មេក នី រតនា ថែមទាំងមានវីឡា៣ ទាំងនៅភ្នំពេញ និងនៅតាមបណ្ដាខេត្តទៀតផង។

បើតាមកញ្ញា ហេង សុវណ្ណភក្ដិណា ហៅ ថេសា ត្រូវជាគូដណ្ដឹង នី រតនា ឲ្យដឹងថា បច្ចុប្បន្ននេះឪពុកម្ដាយរបស់ខ្លួនមានវីឡា៣ នៅរាជធានីភ្នំពេញ២ និងខេត្តសៀមរាប ១ទៀតទុកសម្រាប់គ្រាន់ទៅលំហែកាយពេលមានកម្មវិធីជប់លៀង ឬ ក្នុងឱកាសបុណ្យប្រពៃណីជាតិផ្សេងៗដែលប្រារព្ធធ្វើនៅទីនោះ។

ថេសា បន្ថែមថា៖”ផ្ទះទាំង៣កន្លែងហ្នឹង គឺលោកប៉ា និងអ្នកម៉ាក់ខ្ញុំគ្រាន់ទិញសម្រាប់រស់នៅបង អត់មានគម្រោងលក់វិញទេ។ ប៉ុន្តែផ្ទះទាំង៣កន្លែងហ្នឹងមួយទៀតកំពុងតែសាងសង់នៅក្បែរផ្សារទំនើប អ៊ីអន២ ចំពោះរឿងតម្លៃដែលប៉ាម៉ាក់ខ្ញុំទិញវីឡាទាំង ៣កន្លែងខ្ញុំសូមមិនជម្រាបទេបង”។

អនាគតឪពុកក្មេក នី រតនា មានឈ្មោះ ហេង សុវណ្ណ មានស្រុកកំណើតមកពីខេត្តកំពង់ធំ បានរៀបការជាមួយអ្នកស្រី ហ៊ី ណារី ជាកូនអ្នកភ្នំពេញ ក្នុងឆ្នាំ ១៩៩៤ បច្ចុប្បន្នលោក មានកូន ៣នាក់ ស្រី២ និង ប្រុស១។ ចំណែកឯកញ្ញា ហេង សុវណ្ណភក្ដិណា ជាកូនច្បងក្នុងគ្រួសារដូចលោក នី រតនា ត្រូវជាគូដណ្ដឹងដែរ។