ព្រៃវែង ៖ កាលពីថ្ងៃទី១៩ ខែ ឧសភា ឆ្នាំ២០១៨​ វេលាម៉ោង ១៤និង១០នាទី លោកយាយចំណាស់ម្នាក់បានសម្រេចចិត្តចង.កសម្លាប់ខ្លួន ដោយសារតែមានជំងឺប្រចាំកាយ ជាយូរមកហើយ ដែលហេតុការណ៍នេះបានកើតឡើងនៅចំណុច ភូមិបុស្ស ឃំុដំរីពួន ស្រុកស្វាយអន្ទរ ខេត្តព្រៃវែង។

ជនរងគ្រោះមានឈ្មោះ យិន ម៉ន ភេទ ស្រី អាយុ ៧៤ឆ្នាំ នៅភូមិបុស្ស ឃំុដំរីពួន ស្រុកស្វាយអន្ទរ ខេត្តព្រៃវែង។ ប្រជាពលរដ្ឋដែលរស់នៅជិតនោះបានប្រាប់ថា ពិតជាអាសូរ និងអាណិតខ្លាំងណាស់លោកយាយម្នាក់ត្រូវបានបញ្ចប់ជីវិត ទាំងមិនទាន់ដល់ជីវិតចុងក្រោយផង នេះដោយសារតែលោកយាយ មានជម្ងឺប្រចាំកាយច្រើនពេកក៏សម្រេចចិត្តយកក្រម៉ាមកនៅដើមស្វាយក្រោយផ្ទះ ធ្វើអត្តឃាតដោយខ្លួនឯងតែម្តង។ ក្រោយពេលសមត្ថកិច្ចបានពិនិត្យកោសល្យវិច្ច័យសាកសពរួច ត្រូវបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី ៕ ដោយ៖ វិសុទ្ធ