ខេត្តព្រះសីហនុៈ បុរសជនជាតិចិនម្នាក់ដែលគ្រងឯកសណ្ឋានកងទព័ (ផ្កាយមួយ) ត្រូវបានសមត្ថកិច្ច​កងរាជអាវុធហត្ថ ​ខេត្ត​ព្រះសីហនុ​ ដឹកនាំដោយ​លោកឧត្ដមសេនីយ៍ត្រី​ ហេង​ ប៊ុនទី​ មេបញ្ជាការកងអាវុធហត្ថខេត្ត​ បានចុះឃាត់ខ្លួន​បុរសជនជាតិចិន​នោះហើយ និងដកហូតរថយន្ត​ ស្លាកលេខ​ ខម​ ដែល​នៅចំណុចហាង​ ខារ៉ាអូខេ​ សៀងហៃ​ ក្រុងព្រះសីហនុ​ នៅយប់រំលងអាធ្រាតថ្ងៃទី​៤​ ឆ្លងចូលថ្ងៃទី​ ៥​ ខែ​មិថុនា​ ឆ្នាំ​២០១៨​ ។

លោកឧត្តមសេនីយ៍ត្រីហេង ប៊ុនទី មានប្រសាសន៍ថា ​បុរសចិនរូបនោះ​ឈ្មោះ ចាង ជិង សឹន ភេទប្រុស អាយុ ៤២ឆ្នាំ ជនជាតិចិនទើប​មកពីម៉ាកាវ​ ហើយ​មានមិត្តភក្តិបើកឡានមកទទួល​ ដែល​នៅក្នុងឡាននោះ​ មាន​ ឯកសណ្ឋានកងយោធពលខេមរៈភូមិន្ទ​ មានស័ក្តិឧត្ដមសេនីយ៍ព្យួរក្នុងឡាន​ ខ្លួនក៏យកពាក់ ពេលជិះរថយន្ត។ ពេលនេះបុរសជនជាតិចិនមកពីម៉ាកាវរូបនេះ កំពុងសាកសួរនៅបញ្ជាការដ្ឋានកងរាជអាវុធហត្ថ ខេត្តព្រះសីហនុ​ ដើម្បីចាត់ការបន្ត​ ។​ ដោយឡែករថយន្ត​ និង​ ម្ចាស់រថយន្តដែលជាមន្ត្រីយោធានោះ​ កំពុងត្រូវបានថ្នាក់ដឹកនាំក្នុងស្ថាប័នកងទ័ពមាន​វិធានការណ៍ហើយ​ ៕ ប្រភពៈ Huy Bunleng