ភ្នំពេញ ៖ បុរស​ជនបរទេស​ម្នាក់ ប្រុង​លោត​សម្លាប់ខ្លួន​ពី​ជាន់​ទី១៩ នៃ​សណ្ឋាគារ តែ​ត្រូវ​សន្តិសុខ​កោះ​ពេជ្រ ឃើញ​ប្ដឹង​សមត្ថកិច្ច​អន្តរាគមន៍ ជួយសង្គ្រោះ​ទាន់ពេល យកមក​សាក​សួរនាំ នៅ​ចំណុច​កោះ​ពេជ្រ​សណ្ឋាគារ ឌា​យ​មិន វ័ន ស្ថិតនៅ​ភូមិ១៤ សង្កាត់​ទន្លេបាសាក់ ខណ្ឌចំការមន កាល​វេលា​ម៉ោង១០និង០០ ព្រឹក​ថ្ងៃទី០៥ ខែ មិថុនា ឆ្នាំ ២០១៨។

បើតាមការឲ្យដឹងថា ជនជាតិ​អូស្ត្រាលី ឈ្មោះ ROWE DEAN THOMAS ភេទ​ប្រុស អាយុ ៣៨ឆ្នាំ ស្នាក់នៅ​សណ្ឋាគារ​កើតហេតុ​ខាងលើ សមត្ថកិច្ច​បញ្ជាក់ថា បុរស​ជនជាតិ​អូស្ត្រាលី បាន​ចូល​ស្នាក់នៅ តាំងពី​ថ្ងៃទី២៤ ខែ ឧសភា ឆ្នាំ ២០១៨ ហើយដោយ មុន​កើតហេតុ សមត្ថកិច្ច​យើង​ទទួល​បណ្ដឹង​តាមរយ:ទូរស័ព្ទ ពី​សន្តិសុខ​កោះ​ពេជ្រ ប្រទះឃើញ​បុរស ជនបរទេស ឈរ​នៅ​មាត់​បង្អួច បំរុង​លោត​សម្លាប់ខ្លួន​នៅ​ជាន់​ទី១៩ រួច​ក៏​ប្រ​ញ៉ាប់​ប្រ​ញ៉ា​ល់ ចុះ​អន្តរាគមន៍​បាន​ឡើង​ទៅដល់​បន្ទប់ ក៏​ឃើញ​ទ្វារ​បើកចំហ មិនបាន​ចាក់សោ​បន្ទប់​ទេ រួច​បាន​ចូលទៅក្នុង​បន្ទប់​ជាមួយ​សន្តិសុខ ហើយក៏​ឃើញ​បុរស ជនបរទេស​នោះ និយាយ​ជា​ភាសា​អង់គ្លេស ឲ្យ​ចុះមក​ក្រោម​សិន មានការ​អី​ចាំ​ទំនាក់ទំនង​នៅ​ស្ថានទូត ក្រោយមក​បន្តិច ក៏​បុរស​បរទេស​រូបនេះ ព្រម​ចុះ​ពី​មាត់​បង្អួច​វិញ ៕ ដោយ៖ ថៃ