ខេត្តត្បូងឃ្មុំ ៖ កាលពីវេលាម៉ោង៩យប់ ថ្ងៃទី០៥ ខែមិថុនា ឆ្នាំ២០១៨ នៅចំណុចផ្ទះបងប្រុសបង្កើតរបស់ជនសង្ស័យ ស្ថិតក្នុងភូមិទួលវិហារ ឃុំជីរោទិ៍ទី២ ស្រុកត្បូងឃ្មុំ ឪពុកបង្កើតចាប់រំលោភកូនស្រី បានសម្រេចជាច្រើនដង ទម្រាំតែម្តាយបានដឹង នឹងទៅប្តឹងនគរបាលឲ្យចាប់ខ្លួនជនសង្ស័យ ដើម្បីចាត់ការតាមនីតិវិធីច្បាប់។

ជនសង្ស័យល្មោភកាមដែលចាប់រំលោភកូនស្រីបង្កើត មានឈ្មោះនូរ ត្រា ហៅនូ សុផាត អាយុ២៥ឆ្នាំ មុខរបរស៊ីឈ្នួលធ្វើចម្ការ មានប្រពន្ធឈ្មោះធឿន សុរ៉ា អាយុ៣១ឆ្នាំ មុខរបរស៊ីឈ្នួលធ្វើចម្ការ រស់នៅភូមិត្នោត ឃុំត្នោត ស្រុកកញ្ច្រៀច ខេត្តព្រៃវែង។ ចំណែកក្មេងស្រីរងគ្រោះ មានឈ្មោះផ.រ អាយុ១១ឆ្នាំ ដើរស៊ីឈ្នួលធ្វើចម្ការជាមួយឪពុកម្តាយ។ បើតាមសម្តីរបស់ភរិយារបស់ជនសង្ស័យបានប្រាប់ឲ្យដឹងថា នៅមុនពេលកើតហេតុ ជនសង្ស័យបាននាំប្រពន្ធ និងកូនស្រីរងគ្រោះបានទៅស្នាក់នៅផ្ទះបងប្រុសបង្កើតរបស់ខ្លួន នៅភូមិទួលវិហារ ឃុំជីរោទិ៍ទី២ ស្រុកត្បូងឃ្មុំ ដើម្បីស៊ីឈ្នួលធ្វើចម្ការឱ្យគេ។ លុះពេលទៅដល់កន្លែងកើតហេតុស្រាប់តែ ឪពុកបានហៅកូនស្រីទៅក្នុងបន្ទប់ រួចហើយបានធ្វើសកម្មភាពស្រាតខោអាវខ្លួនឯងដេកចាំកូនស្រីរួចជាស្រេច ពេលនោះបានស្រែកហៅកូនស្រីម្តងទៀត ពេលក្មេងស្រីរងគ្រោះទៅដល់ ឪពុកបង្ខំកូនស្រីឲ្យដោះខោអាវចេញ ហើយក៏ធ្វើសកម្មភាពរំលោភតែម្តង តែភ្លាមនោះប្រពន្ធក៏គាត់បានទៅទាន់ ហើយទាញដៃកូនស្រីចេញមកក្រៅ ហើយស្រែកឆោរឡោ ឲ្យអ្នកភូមិជួយចាប់ខ្លួន ប្រគល់ឲ្យសមត្ថកិច្ចផងដែរ។ បើតាមសម្តីរបស់ក្មេងស្រីរងគ្រោះបានប្រាប់ថា ឪពុករបស់ក្មេងស្រីរូបរងគ្រោះបានសម្រេចចំនួនបីដងមកហើយ តែក្រោយពេលឪពុករំលោភនាងរូច គឺឪពុុករបស់នាងតែងតែគំរាមរូបនាងមិនឲ្យប្រាប់ម្តាយ ឬប្រាប់ទៅនរណាម្នាក់ឡើង បើមិនដូចនេះគេនឹងសម្លាប់នាងចោល។ ដោយសារតែខ្លាចពាក្យគំរាមរបស់ឪពុកទោះនាងតែងតែបៀមទុក្ខតែម្នាក់ឯងរហូតមក។ បច្ចុប្បន្នសមត្ថកិច្ចជំនាញ កំពុងធ្វើការស្រាវជ្រាវតាមចាប់ខ្លួនជនសង្ស័យ ដើម្បីនាំយកមកផ្តន្ទាទោសតាមច្បាប់៕ ប្រភព៖ nokorthom