ជួយស៊ែរប្រាប់អ្នកដែលចូលចិត្តញុាំនំ "នំស្លឹកស្រស់" ឲ្យគាត់បានដឹងផង... នំស្លឹកស្រស់ និងនំស្រួលជាច្រើនប្រភេទ ដែលបានពិនិត្យឃើញមានសារធាតុគីមីហាមឃាត់ ដែលអាចធ្វើឲ្យប៉ះពាល់ដល់សុខភាព....(មានវីដេអូ)

ភ្នំពេញ៖ កាលពីថ្ងៃទី១១ ខែមិថុនា ឆ្នាំ២០១៨ គណៈកម្មការផ្សារអូរឫស្សី បានសហការជាមួយសាខាកាំកុងត្រូលផែស្ងួតចុងទីភ្នំពេញ រួមជាមួយមន្រ្តីមន្ទីរពាណិជ្ជកម្មរាជធានីភ្នំពេញ បានចុះធ្វការត្រួតពិនិត្យ ទំនិញនៅផ្សារអូរឫស្សី ដើម្បីសុវត្ថិភាពចំណីអាហារ ទប់ស្កាត់ទំនិញខូចគុណភាព ប្រើប្រាស់សារធាតុគីមីហាមឃាត់ ក្លែងបន្លំ និង ពង្រឹងការយល់ដឹងអំពីបញ្ហាសុវត្ថិភាពចំណីអាហារដល់បងប្អូនអាជីវករ និងអ្នកប្រើប្រាស់ ព្រមទាំងបានយកគម្រូមកធ្វើតេស្តបឋម រកសារធាតុគីមីហាមហាត់ទៅលើបង្គាស្រស់ មឹក សាច់ប៉ាតេ ប្រហិតសាច់គោ នំស្លឹកស្រស់ នំគម នំស្រួយ។

បើតាមសម្តី គណៈកម្មការផ្សារអូរឫស្សី បានឲ្យដឹងថា ជាលទ្ធផលបានរកឃើញសារធាតុគីមីហាមឃាត់ (បូរ៉ាក់)នៅក្នុងនំស្លឹកស្រស់ និងនំស្រួយដែលដាក់តាំងលក់សរុបចំនួន៦ទីតាំង មានចំនួនសរុប៨៦គីឡូក្រាម និងបានធ្វើការអប់រំណែនាំ មានកំណត់ហេតុបញ្ឈប់ការទទួល ចែកចាយលក់ដូរបន្តទៀត និងបានអញ្ជើញអ្នកវេចនំបោះដុំមកស្នាក់ការធ្វើកំណត់ហេតុអប់រំណែនាំបញ្ឈប់ការប្រើប្រាស់សារធាតុគីមីហាមហាត់ខាងលើ ហើយគាត់ប្តេជ្ញាឈប់ប្រើប្រាស់ ឈប់ផលិត និងលក់ដូរនូវទំនិញដែលមានសារធាតុគីមីហាមឃាត់នេះទៀត និងបានប្រគល់ឲ្យមកសមត្ថកិច្ចធ្វើការកំទេចចោលនំទាំងអស់នោះដោយស្ម័គ្រចិត្ត៕