នៅព្រឹកនេះ លោក ផែង វណ្ណៈ សម្រេចចិត្តដាក់ពាក្យបណ្តឹង ទៅក្រសួងមហាផ្ទៃ ដើម្បីចាប់ជនល្មើសដែលបានលួចគណនីហ្វេសប៊ុករបស់លោក យកទៅប្រព្រឹត្តអំពើខុសច្បាប់...(មានវីដេអូ)

កាលពីថ្ងៃពី១២ ខែមិថុនា ឆ្នាំ២០១៨ នៅលើគណនីហ្វេសប៊ុក លោក Vannak Pheng បានធ្វើការចុះផ្សាយអំពីគណនីហ្វេសប៊ុក មួយដែលមានឈ្មោះ ផែង វណ្ណៈ ជាផេកក្លែងក្លាយដោយលោកបានរៀបរាប់ថា "ជូនបងប្អូនមេត្តាជ្រាប ផេក ផែង វណ្ណៈ ត្រូវគេលួចយកទៅតាំងពីខែ ធ្នូ ២០១៧ មកម្ល៉េះ ។"។ ដូចនេះសូមបងប្អូនកុំយល់ច្រលំ ។ លោកក៏បានបន្ថែមទៀតថា "ជនថោកទាបបានលួចផេកខ្ញុំតាំងពីចុងខែធ្នូ យកទៅបង្ហោះ ខ្ញុំបានបដិសេដច្រើនដងហើយ ពេលនេះជនថោកទាបនេះបានយកមកបង្ហោះ ដែលមិនមែនជាខ្លឹមសាររបស់ខ្ញុំទេ ។ កន្លងមកខ្ញុំបានប្ដឹងសារព័ត៌មាន ដើមអំពឹល និង fresh news អោយផ្សាយអំពីករណីចោរលួចផេកនេះរួចហើយ ។ នៅថ្ងៃស្អែកព្រឹក ខ្ញុំនឹងយកពាក្យបណ្ដឹងផ្លូវការ ទៅដាក់នៅនាយកដ្ឋានប្រឆាំងបទល្មើសបច្ចេកវិទ្យា នៃ អគ្គស្នងការដ្ឋាននគរបាលជាតិ ដើម្បីស្រាវជ្រាវរកជនល្មើសចាត់ការតាមផ្លូវច្បាប់" ។