ភ្នំពេញ ៖ តារាសម្តែងលោក ខាត់ វ៉ៃហាំង និងតារាសម្តែងស្រី ស៊ីន យូប៊ីន មានមហាជនជាច្រើនបានស្គាល់តាមរយៈខ្សែភាពយន្តនានា ហើយចំពោះអ្នកទាំងពីរត្រូវបានអ្នកគាំទ្រជាច្រើនសង្ស័យថាកំពុងសំងំបង្កាត់ភ្លើងស្នេហ៍ក្រៅឆាកជាមួយគ្នា ព្រោះគ្រប់ពេលអ្នកទាំងពីរមានភាពស្និទ្ធស្នាលនឹងគ្នាខ្លាំងមែនទែន។ ជាក់ស្តែងការពីពេលថ្មីៗនេះ តារាសម្តែងប្រុស លោក ខាត់ វ៉ៃហាំង បានធ្វើការបង្ហោះវីដេអូមួយ ដែលធ្វើឲ្យអ្នកគាំទ្រផ្ទុះសំណើចស្ទើរតែមិនបាន ដោយក្នុងនោះ លោកដើរតួជាបុរសយល់ចិត្ត ទិញការហ្វេជូនកញ្ញា យូប៊ីន តែអ្វីដែលហួសចិត្តនោះ គឺលោក បែរជាលួចដាក់ម្រេចម៉ដ្ឋក្នុងកែវការហ្វេទៅវិញ។ តារាសម្តែងដ៏មានប្រជាប្រិយរូបនេះ បានលើកឡើងនៅក្នុងគណនីហ្វេសប៊ុករបស់លោកថា "អ្នកណាចង់ផឹកកាហ្វេរសជាតិនេះខ្លះ ? តែកាហ្វេនេះសំរាប់អ្នកខ្លាំងបានផឹកបាន ហាសហាសហាស"។ ក្រោយពីការបង្ហោះវីដេអូមួយនេះរួម មិនបានប៉ុន្មានផងមានអ្នកគាំទ្រជាច្រើន ចូលមកខមិន ដោយម្ចាស់គណនីមួយបានលើកឡើងថា" សងសឹកសាហាវហ្មង?"។
