ឧកញ៉ា ឌួង ឆាយ ត្រូវបានមហាជនគ្រប់មជ្ឈដ្ឋានស្គាល់ថា​ជាឧកញ៉ាចិត្តធម៌ ដោយឧកញ៉ា តែងតែដើរជួយដល់ជនទីទាល់ក្រ ឲ្យរួចផុតពីទុក្ខលំបាក។ បើទោះបីជារវល់យ៉ាងណា ក៏លោកនិងភរិយា តែងតែជួយដល់ជនទីទាល់ក្រ ចាស់ជរា ជាច្រើនទៀត។ យ៉ាងណាមិញលោកឧកញ៉ា ឌួង ឆាយ បានលើកឡើងនៅក្នុងគណនីហ្វេសប៊ុករបស់លោកថា "បន្ទាប់ពីជួបសំណេះសំណាលជាមួយលោកគ្រូអ្នកគ្រូនៅស្រុកចំការលើរួចមក ខ្ញុំបាទក៏បានចុះទៅភូមិថ្លុកក្រវ៉ាន់ ឃុំ បុសខ្នុរ ដើម្បីជួបជាមួយនឹងបងស្រីដែលពិការភ្នែកដោយសារតែការព្យាបាលពុំទាន់ពេលវេលាដែលធ្វេីអោយបងស្រីពិការភ្នែកក្នុងរយៈពេល 2-3 ឆ្នាំនេះ។ ខ្ញុំបាទក៍បានសម្រេចចិត្តជូនផ្ទះទៅគាត់មួយខ្នងដើម្បីជាការលើកទឹកចិត្តជូនទៅដល់បងស្រី ដោយឃើញពីទុក្ខលំបាករបស់ពួកគាត់ ហើយអ្វីដែលធ្វើឲ្យខ្ញុំមានចិត្តរំភើបសប្បាយរីករាយគឺដោយសារតែប្តីរបស់គាត់បានសន្យាជាមួយនឹងរូបខ្ញុំបាទថា នឹងមើលថែរូបគាត់និងស្រលាញ់គាត់រហូតអស់មួយជីវិត ។ ដោយមើលឃើញកង្វះខាត និងទុក្ខលំបាករបស់បងប្អូនប្រជាពលរដ្ឋ ខ្ញុំបាទនឹងបន្តចុះជួយបងប្អូនដែលមានជីវភាពខ្វះខាតបន្ត"។