ថៃ៖ ក្រុមអ្នកស្វែងរកនៅខាងក្រៅល្អាងបានប្រទះឃើញមួក ១ ហូរតាមខ្សែទឹកនៅជិតកន្លែងរូងភ្នំ ដែលក្មេង១២នាក់ និង គ្រូបង្វឹកម្នាក់បានបាត់ខ្លួន។ ដោយបច្ចុប្បន្ននេះគេមិនទាន់អាចសន្និដ្ឋាន បាន ថាមួកនោះជារបស់ ក្មេង ប្រុស ដែល បាត់ ខ្លួន ឬ យ៉ាងណានោះទេ ប៉ុន្តែ កំពុងដាក់ការសង្ស័យ ទៅលើរឿងនេះ។

ដោយឡែកប៉ូលិស ប្រមាណ ១៣០ នាក់បានប្រើឆ្កែហីត ក្លិន វិញម្ដង ដើម្បីដើរស្វែង រក តម្រុយ នៅខាងក្រៅក្បែរៗល្អាង។ ជា លទ្ធផល ពួកគេ បាន ប្រទះ ឃើញមួកមួយហូរតាមខ្សែ ទឹក ចេញ ពី ល្អាង នោះ។ ប៉ូលិស បាន សម្រេច ដាក់ការសង្ស័យថា ពួក នេះអាចជាមួករបស់ក្មេង ៗ ដែល បាន បាត់ខ្លួននោះ។ នៅថ្ងៃនេះរដ្ឋាភិបាលប្រទេសអូស្រ្តាលីក៏បានជួយឧបត្ថម្ភឧបករណ៍សំខាន់ៗមួយចំនួន និង បញ្ជូនអ្នកជំនាញមកផងដែរ។ ស្រប ពេល ដែល នៅកន្លែងកើតហេតុមានក្រុមពិសេស SEAL របស់ អាមេរិក អ្នកច្រមុជទឹកមក ពីឡាវ អាល្លឺម៉ង់ និង អង់គ្លេស ជា ដើម កំពុង សហការ គ្នា ស្វែងរកវិធីដើម្បីសង្គ្រោះក្មេងៗដែលបាត់ខ្លួន។ គួរបញ្ចាក់ផងដែរថា មានការតាក់តែជាបទចម្រៀង បង្កើតជា រូបភាព ថ្លុក និង ពិធី បែរបន់ បែប អប្បិយ ជំនឿផ្សេងៗឡើង បន្ទាប់បន្សំ ពីលើ ការស្វែងរក ពី សំណាក់ ក្រុម សង្គ្រោះ ដែល ក្នុង គោលបំណង តែមួយ គឺ សុំឱ្យ ក្មេងៗ រួមទាំង គ្រូបង្វឹក ម្នាក់ មាន សុវត្ថិភាព និង ឆាប់ បាន វិល មកជួបជុំ ឪពុកម្តាយ បងប្អូន វិញ៕