ព្យាបាលជំងឺ៖ ​ រោគពោះវៀន ឈឺពោះបរិវេនពោះវៀនធំ បន្ទន់លាមក អាហារមិនរលាយ តឹងពោះ ច្រាលពោះ

ប្រភេទរុក្ខជាតិ៖ ភ្ងាយ៉ា-មោក្ស វិធីធ្វើ និងវិធីប្រើប្រាស់៖ ​-ផ្លែស្ងួតៈ អាហារមិនរលាយ តឹងពោះ ច្រាលពោះ -ឫសៈ ​រោគពោះវៀន ឈឺពោះបរិវេនវៀនធំ បន្ទន់លាមក -ប្រើស្ងួត កម្រិតពី ១០-២០ក្រាម យកមកដាំផឹក ក្នុង១ថ្ងៃ។ **សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។ សម្រួលអត្ថបទដោយ៖ អ៊ាង សុផល្លែត អត្ថបទទាក់ទង៖ អាការៈ ៥ យ៉ាងនេះ បញ្ជាក់ថា មាន​ជំងឺ​មហារីក​ពោះវៀន​ធំ និង​ចុង​ពោះវៀនធំ​ហើយ​ ជំងឺមហារីក​ពោះវៀនធំ និង​ចុង​ពោះវៀន​ធំ ច្រើន​តែ​មិន​បង្ហាញ​នូវ​រោគសញ្ញា គួរ​ឲ្យ​កត់សម្គាល់អ្វី​ឡើយ ក្នុង​ដំណាក់កាល​ដំបូង​ ប៉ុន្តែ បើសិនជា​យើង​អាច​រក​ឃើញ​វា​ទាន់ពេលវេលា វា​អាច​នឹង​ព្យាបាល​បាន​យ៉ាង​មាន​ប្រសិទ្ធភាព ជាមួយនឹង​ថ្នាំ​គីមី និង​បាញ់​កាំរស្មី​។ ការ​ធ្វើ​តេស្ត​រក​មើល​ជំងឺ​មហារីក​ទៀងទាត់ មាន​ប្រយោជន៍​ណាស់​ចំពោះ​រឿងនេះ​។ ខាងក្រោម​នេះ គឺជា​អាការៈ​មួយចំនួន ដែល​អ្នក​គួរតែ​កត់សម្គាល់ អំពី​ជំងឺ​មហារីក​ពោះវៀន​ធំ និង​ចុង​ពោះវៀន​ធំ​។​ ១.​បន្ទោរ​បង់​មិន​ទៀងទាត់​ ​សញ្ញា​សំខាន់​មួយ នៃ​ជំងឺមហារីក​ពោះវៀន​ធំ និង​ចុង​ពោះវៀន​ធំ គឺ​ការផ្លាស់ប្តូរ​ទម្លាប់​នៃ​ការ​បន្ទោ​របង់​។ បើសិនជា​អ្នក​ទល់លាមក ឬ​រាករូស​ជាប់ ឬ​ឈឺចាប់​បែបរ​មួល​ក្នុង​ពោះ​ផ្នែក​ខាងក្រោម ឬ​ហូរឈាម​តាម​រន្ធ​គូថ នោះ អ្នក​គួរតែ​ពិគ្រោះ​ជាមួយ​គ្រូពេទ្យ ដើម្បី​រក​មើល​មូលហេតុ​របស់​វា​។ ​ ២.ឈាម​ក្នុង​លាមក​ ​ការ​ដែល​មាន​ស្នាម​ឈាម​ពណ៌​ចាស់ ឬ​មាន​ឈាម​លើ​លាមក អាច​ជា​សញ្ញា​មួយ​នៃ​ជំងឺមហារីក​ប្រភេទ​នេះ​ហើយ​។ ថ្វីបើ វា​គឺជា​សញ្ញា​ញឹកញាប់​មួយ របស់​ជំងឺ​ឬ​ស​ដូង​បាត ឬ​មហារីក​ផ្សេងៗ​ទៀត​ដូចជា មហារីក​ក្រពេះ​ក៏ដោយ ក៏​ការ​ពិគ្រោះ​ជាមួយ​អ្នកជំនាញ ខាង​ក្រពះ​ពោះវៀន និង​ធ្វើតេស្ត​រក​ជំងឺ​នេះ ប្រហែលជា​អាច​ជួយ​អ្នក ស្រាយ​ចម្ងល់​បានដែរ​។ ​ ៣.មិន​ស្រួល​ក្នុង​ពោះ​ ​បើសិន​ជា​អ្នក​មាន​អារម្មណ៍​ថា មិន​មាន​ផា​សុកភាព និង​ណែនៗ​ក្នុង​ពោះ ដោយ​មិន​បាន​ញ៉ាំ​អាហារ ឬ​ញ៉ាំ​អាហារ​បាន​តែ​ពីរ​បី​មាត់ បែរ​ជា​ណែន​ក្នុង​ពោះ​ដែរនោះ វា​អាច​ជា​សញ្ញា​មួយ នៃ​ជំងឺមហារីក​ពោះវៀន​ធំ និង​ចុង​ពោះវៀនធំ​ដែរ​។ សូម​កុំ​គិត​ថា ការ​ឈឺពោះ និង​មិន​ស្រួល​ក្នុង​ពោះ​បែបនេះ​ជា​សញ្ញា​ថា ក្រពះ​ខ្សោយ​អី បើសិន​ជា​អ្នក​មាន អាការៈ​នេះ​យូរ​ណាស់​ហើយ​។ ​ ៤.មិន​អាច​បន្ទោរ​បង់អស់​ ​អាការៈ​មួយ​ផ្សេងទៀត នៃ​ជំងឺមហារីក​ពោះវៀន​ធំ និង​ចុង​ពោះវៀន​ធំ គឺ​នៅ​ពេល​ដែល​អ្នកមាន​អារម្មណ៍​ថា អ្នក​មិន​អាច​បន្ទោ​របង់​លាមក ឲ្យអស់​ទាំងស្រុង​។ ខណៈពេល​ដែល​មនុស្ស​ភាគច្រើន​ជឿថា វា​ជា​សញ្ញា​មួយ​នៃ​ក្រពះ​ខ្សោយ ចូរ​ពិគ្រោះ​ជាមួយ​គ្រូពេទ្យ ដើម្បី​រក​មើល​មូលហេតុ​របស់​វា​ទៅ​។ ៥.អស់កម្លាំង​ ​ការ​ដែល​មាន​អារម្មណ៍​អស់កម្លាំង និង​ស្លេកស្លាំង​ជាប់ អាច​ជា​សញ្ញា​មួយ របស់​ជំងឺមហារីក​ពោះវៀន​ធំ និង​ចុង​ពោះវៀនធំ​ដែរ​។ នេះ​ដោយសារ​តែ កោសិកា​មហារីក ជា​អ្នក​ទាញ​យក​ថាមពល ដែល​អ្នក​ត្រូវ​ប្រើ​ទៅ​ចិញ្ចឹម​ខ្លួន​វា ហេតុដូច្នេះ​ហើយ ទើប​ធ្វើឲ្យ​អ្នកអ​ស់​កម្លាំង​។ បើសិនជា​មាន​អា​ការៈបន្ថែម​ដូចជា មិន​ស្រួល​ក្នុង​ពោះ ឬ​បន្ទោ​របង់​មិន​ទៀងទាត់​ទៀត​នោះ គួរតែ​ដល់ពេល ពិគ្រោះ​ជាមួយ​ពេទ្យ​ហើយ​។ ​ប្រភព​៖  health.com.kh អត្ថបទទាក់ទង៖ មនុស្ស៥ប្រភេទ ប្រឈមនឹងជំងឺមហារីកពោះវៀនធំខ្លាំងបំផុត ១.រលាក ឬដំបៅពោះវៀន ជំងឺរលាក ឬដំបៅពោះវៀន គឺជាកត្តាមួយដែលនាំឲ្យមានហានិភ័យនៃជំងឺមហារីកពោះវៀនធំ ប្រសិនបើអាការជំងឺនៅអូសបន្លាយយូរពេក។ អ្នកជំងឺទាំងនេះត្រូវអ្នកជំនាញលើសទឹកចិត្តឲ្យយកចិត្តទុកដាក់ចំពោះការព្យាបាល ក៏ដូចជាពិនិត្យតាមដានជំងឺ ឲ្យទៀងទាត់។ ២.ប្រវត្តិគ្រួសារកើតជំងឺមហារីកពោះវៀនធំ អ្នកដែលកើតក្នុងត្រកូលដែលមានជំងឺមហារីកពោះវៀនធំ ទៅថ្ងៃអនាគត់ត្រូវប្រឈមនឹងជំងឺនេះខ្ពស់ជាងអ្នកដទៃទៀត។ វិធីល្អ មានតែការពិនិត្យសុខភាពឲ្យបានទៀងទាត់ និងអនុវត្តតាមការណែនាំរបស់គ្រូពេទ្យប៉ុណ្ណោះ។ ៣.អ្នកដែលចូលចិត្តទទួលទានសាច់ក្រហម អាហារសម្បូរខ្លាញ់ និងសាច់អាំង សាច់ក្រហម សាច់កែច្នៃ ត្រូវបានចុះក្នុងបញ្ជីអាហារដែលបង្កឲ្យកើតជំងឺមហារីក។ ដូច្នេះអ្នកត្រូវចេះកំណត់ការទទួលទានសាច់ក្រហម ឬប្តូរមកញ៉ាំត្រី មាន់ ឬសត្វស្លាបផ្សេងៗជំនួសវិញ។ លើសពីនេះ ពពួកអាហារដែលសម្បូរទៅដោយជាតិខ្លាញ់ សាច់អាំងនៅលើភ្លើងដែលមានសីតុណ្ហភាពខ្ពស់ ក៏ជាដើមហេតុដែលអាចបង្កើនហានិភ័យនៃជំងឺមហារីកផងដែរ។ ៤.ភាពធាត់លើសទម្ងន់ ការលើសទម្ងន់ ឬធាត់ មិនត្រឹមតែបង្កើនហានិភ័យនៃជំងឺមហារីកពោះវៀនធំ និងរន្ធគូថនោះទេ ប៉ុន្តែវាក៏ជាកត្តាដែលនាំឲ្យកើតមានហានិភ័យនៃជំងឺមហារីកផ្សេងៗទៀតដែរ។ ដូច្នេះ អ្នកគួរតែព្យាយាមរក្សាទម្ងន់ឲ្យមានតុល្យភាព តាមរយ:ការធ្វើលំហាត់ប្រាណ និងជៀសវាងអាហារដែលសម្បូរជាតិខ្លាញ់។ ក្រៅពីការលើសទម្ងន់ ទម្លាប់ជក់បារី និងផឹកស្រាក៏មានហានិភ័យខ្ពស់នៃជំងឺមហារីកពោះវៀនធំ ដូចគ្នាដែរ។   ៥.មនុស្សដែលមានអាយុចាប់ពី ៤០ឆ្នាំ តាមស្ថិតិបានបង្ហាញថា មនុស្សភាគច្រើនដែលកើតជំងឺមហារីកពោះវៀនធំ និងរន្ធគូថ គឺមានអាយុលើស ៤០ឆ្នាំ។ ដូច្នេះហើយ គ្រូពេទ្យបានណែនាំឲ្យមនុស្សដែលមានវ័យនេះ ធ្វើការពិនិត្យយ៉ាងហោចណាស់ម្តង ក្នុងមួយឆ្នាំ ដើម្បីរកមើលជំងឺ និងធ្វើការព្យាបាលឲ្យទាន់ពេលវេលា។ ទោះជាយ៉ាងណា មនុស្សដែលមានវ័យ ៤០ឆ្នាំ ប្រឈមនឹងហានិភ័យនៃជំងឺមហារីកពោះវៀនធំ ទាបជាងមនុស្សដូចខាងលើ។ ចំពោះការកើតជំងឺនេះដែរ អាចព្យាបាលឲ្យជាសះស្បើយរហូតដល់ ៩៩ភាគរយ ប្រសិនបើអ្នករកឃើញសញ្ញាដំបូងរបស់វា៕ ដកស្រង់ពី៖ soha