ស្វាយរៀងៈ កាលពីវេលាម៉ោង១០ៈ៣០នាទីយប់ថ្ងៃទី២៨ ខែមិថុនា ឆ្នាំ២០១៨ សេចក្ដីរាយការណ៍ ពីរប្រជាពលរដ្ឋថា មានរថយន្តយីឌុប​៥គ្រឿងផ្ទុកទំនិញពេញ គ្របជិតសង្ស័យថា ដឹកឈើប្រណិតឆ្លងដែនទៅប្រទេសវៀតណាម សមត្ថកិច្ចបានស្ទាក់ចាប់ រថយន្ដ០២គ្រឿងឆែក រកឃើញបង្កប់ស្រា ប្រណិតហិនិសស៊ី Hennessy xo គេចពន្ធរាប់សិបកេះ។

បើតាមមន្រ្តីនគបាល ការិយាល័យប្រឆាំង បទល្មើសសេដ្ឋកិច្ចស្នងការដ្ឋាន នគបាលខេត្តបានឲ្យដឹងថា ការស្ទាក់ឃាត់រថយន្តបាន០២គ្រឿង ខាងលើនៅវេលាម៉ោង១១ និង១០នាទីយប់ គឺ១គ្រឿងស្ទាក់បាននៅចំណុច ជិតវត្តចេកវ៉ាឃុំបន្ទាយក្រាំង ស្រុកកំពង់រោទ៌ បានធ្វើការឆែកឆេ រកវត្ថុតាង ឈើប្រណិត ក៏ប៉ុន្តែការឆែកឆេនោះរកពុំឃើញមានឈើប្រណិតទេ មានតែទំនិញ គ្រឿងអេឡិចត្រូនិច ជជុះ ដូចជា ម៉ាស៊ិនត្រជាក់ ទូទឹកកក កង្ហាល់ លែនកាំម៉ារ៉ា ។ រីឯរថយន្តយីឌុបមួយគ្រឿង ពាក់ស្លាកលេខភ្នំពេញ 3A.6237 យកមកការិយាល័យប្រឆាំង បទល្មើសសេដ្ឋកិច្ចស្នងការ ដ្ឋាននគបាលខេត្ត ធ្វើការឆែកឆេ នៅវេលាម៉ោង១០និង១០នាទីព្រឹក បានរកឃើញទំនិញគេចពន្ធ បង្កប់ក្នុងគ្រឿងអេឡិចត្រូនិច រួមមានស្រា Hennessy XO ដបធំ ដបវែង រាប់សិបកេះនិងមានកង្ហាល់ ទូទឹកកក ម៉ាស៊ីនត្រជាក់ ចង្ក្រានហ្គាស់ កូតាប ស្បែកជើង ខោអាវ គ្រឿងក្រឡៃ ចាន សំបកបារី និងអីវ៉ាន់ចាប់ហួយ ជាច្រើនមុខ ទៀត ។ ទាក់ទិនទំនិញគេចពន្ធ ស្រា Hennessy xo នេះមន្ត្រីសាខាគយនិង រដ្ឋករខេត្តបានមានប្រសាសន៍ថារហូតមកដល់ ម៉ោង៣និង៣០នាទីរសៀលថ្ងៃ២៩ មិថុនានេះរើឆែក ពិនិត្យមិនទាន់ហើយរួចរាល់ មិនដឹងថាមានទំនិញគេចពន្ធ ប៉ុន្មានទេ ដូច្នេះមិនអាចបំភ្លឺបានទេ ។