លោកនាយឧត្តមនីយ៍ ហ៊ឹម យ៉ាន អគ្គស្នងការរង នគរបាលជាតិ បានអះអាងថា នគរនឹងចាប់ផ្តើមរឹតបន្តឹង ប័ណ្ណបើកបរអន្តរជាតិ ខណៈមានជនបរទេសកាន់តែច្រើន នៅប្រទេសកម្ពុជា

ភ្នំពេញៈ នៅព្រឹកថ្ងៃទី២៩ ខែមិថុនា ឆ្នាំ២០១៨នេះ នៅសាលប្រជុំ អគ្គស្នងការដ្ឋាន នគរបាលជាតិ លោកនាយឧត្តមនីយ៍ ហ៊ឹម យ៉ាន អគ្គស្នងការរងនគរបាលជាតិបានអះអាងថា នគរនឹងចាប់ផ្តើមរឹតបន្តឹងប័ណ្ណបើកបរអន្តរជាតិ ខណៈមានជនបរទេសកាន់តែច្រើននៅប្រទេសកម្ពុជា ហើយពួកគេបានបើករថយន្តដោយខ្លួនឯង និងបរទេសខ្លះមានតែប័ណ្ណបើកប្រទេសខ្លួន ហើយពុំមានប័ណ្ណបើកបរកម្ពុជា ។

លោកនាយឧត្តមសេនីយ៍ ហ៊ឹម យ៉ាន អគ្គស្នងការរងដ្ឋាន នគរបាលជាតិ បានឲ្យលើកឡើងថា គ្រប់រាជធានី ខេត្តទាំងអស់ត្រូវតែត្រួតពិនិត្យឲ្យបានត្រឹមត្រូវ ចំពោះប័ណ្ណបើកបររបស់បរទេស ដូច្នេះ «ចាប់ពីពេលនេះតទៅជនបរទេសណាក៏ដោយដាច់ខាតត្រូវតែមានបណ្ណបើកបរប្រទេសខ្លួនលិខិតឆ្លងដែនផ្សំជាមួយ ហើយត្រូវមានប័ណ្ណបើកបរនៅស្រុកខ្មែរផងដែរ តែប្រសិនបើពួកគេមានតែរបស់ខ្លួន ហើយពុំមានរបស់ខ្មែរត្រូវចាត់វិធានការណ៍ទៅតាមច្បាប់ជាធរមាន» ។