ភ្នំពេញ៖ ហេុតការណ៍ដែលបានកើតឡើងយ៉ាងរន្ធត់ បន្ទាប់ពីមានមនុស្សយ៉ាងហោចណាស់បានរងរបួសធ្ងន់ចំនួន៥នាក់ និង២នាក់កំពុងកំពុងបាត់ខ្លួន ខណៈអាគារខុនដូរមួយបានបាក់សង្កត់ពីលើ។ ករណីនេះបាន កើតកាលពីថ្ងៃទី១ ខែកក្កដា ឆ្នាំ២០១៨ ក្នុងចំណុចប្លង់សេនៅជាន់ទី២៣នៃខុនដូរ Mekong view tower 6 ស្ថិតនៅក្នុងភូមិ២ សង្កាត់ជ្រោយចង្វា ខណ្ឌជ្រោយចង្វា។ប្រភពពត៌មានពីកម្មករសំណង់បានប្រាប់សមត្ថកិច្ចឱ្យដឹងថា នៅមុនពេលកើតហេតុ ក្រុមកម្មករជាង១០​នាក់បាននាំគ្នាចាក់ប្លង់សេពិដានជាន់ទី២៣ ។ លុះនៅវេលារសៀលក៍បន្តបាញ់ចាក់ប្លង់សេពិដានទៀតស្រាប់តែបណ្តាល​អោយបាក់រន្ទារធ្លាក់ពិដានសង្កត់កម្មករនិងក្រុមជាងបណ្តាលអោយរងរបួស៥នាក់ និងបាត់ខ្លួន២នាក់ជាប់​ក្រោមប្លង់សេពិដាននោះតែម្តង។

ជនរងគ្រោះ​ចំនួន៥នាក់ ត្រូវបាន​បញ្ជូនទៅ​សង្គ្រោះបន្ទាន់ភ្លាមៗ ក្រោយ​កើតហេតុ​បាក់​ប្លង់​សេ​ខាងលើនេះ ខណៈ​មនុស្ស២នាក់ បាន​បាត់​ខ្លួន​រក​មិនឃើញ។ ជនរងគ្រោះ ដែល​រងរបួស​ទាំង៥ រួមមាន ទី១.ជាង នឿន របួស​ជើង, ទី២.ជាង ផាត របួស​ជើង, ទី៣.ជាង រិ​ទ្ធ របួស​ស្មា, ទី៤.ស្រី លន ភេទ​ស្រី របួស​ស្មា និង​ទី៥.ស្រី របួស​កែងដៃ។ ដោយឡែក ជនរងគ្រោះ២នាក់​ផ្សេងទៀត ដែល​បាន​បាត់​ខ្លួន ហើយ​ទើប​រកឃើញ​សាកសព ក្រោម​កិច្ច​អន្តរាគមន៍​អាជ្ញា​ធរមាន​សមត្ថកិច្ច និង​កម្មករ​អស់​ប្រហែល​ជិត១០ម៉ោង​នោះ រួមមាន ទី១ឈ្មោះ បាន លាស់ ភេទ​ប្រុស អាយុ៤៨ឆ្នាំ រស់នៅ​ភូមិ​តា​ពុំ ឃុំ​ល្វេ ស្រុក​កោះសូទិន ខេត្តកំពង់ចាម និង​ទី២ឈ្មោះ នាម ហ៊ីង ភេទ​ប្រុស អាយុ៣៨ឆ្នាំ រស់នៅ​ភូមិ​គោក​រុន ឃុំ​ប៉ុប​ប៉ែន ខេត្តសៀមរាប។ ថ្ងៃកើតហេតុ​ខាងលើ ក្រុម​ជាង​ប្រមាណ​ជាង១០នាក់ បាននាំគ្នា​ចាក់​ប្លង់​សេ​នៅ​ជា​ន់ទី២៣ ប៉ុន្តែ​មិនទាន់​បញ្ចប់​នោះទេ។ លុះ​វេលា​រសៀល ក៏​បន្ត​បាញ់​បេតុង​ចាក់​ប្លង់​សេ​បន្តទៀត ស្រាប់តែ​បាក់​រន្ទារ​ធ្លាក់​ប្លង់​សេ​សង្កត់​ក្រុមកម្មករ និង​ជាង បណ្ដាល​ឲ្យ​រងរបួស៥នាក់ និង​បាត់​ខ្លួន២នាក់ ដោយ​ជាប់​នៅក្រោម​ប្លង់​សេ​នោះ​តែម្ដង។ អាជ្ញា​ធរមាន​សមត្ថកិច្ច មាន​ទាំង​អភិបាលក្រុង​ភ្នំពេញ លោក ឃួ​ង ស្រេង និង​ចៅហ្វាយខណ្ឌ​ជ្រោយចង្វារ លោក ឃ្លាំង ហួត រួម​នឹង​មន្ត្រី​តុលាការ បាន​ចុះទៅពិនិត្យ​កន្លែងកើតហេតុ​ផងដែរ ហើយ​ក្រុម​ជាង​បាននាំគ្នា​ដាប់​គាស់​បេតុង ដើម្បី​រុករ​កជាង​ដែល​បាត់​ខ្លួន​នោះ​អស់​ជាច្រើន​ម៉ោង រហូតដល់​ម៉ោង​ប្រមាណ១០យប់​ថ្ងៃ​ដដែល ទើប​រកឃើញ​សាកសព​ជនរងគ្រោះ។ ក្រោយពេល​រកឃើញ​សាកសព និង​ធ្វើ​កោសល្យវិច័យ​លើ​សាកសព​រួចរាល់ សម​កិច្ច​ជំនាញ​ឲ្យ​ដឹងថា ជនរងគ្រោះ​ទាំង២នាក់ ពិតជា​ស្លាប់​ដោយសារ​ប្លង់​សេ​បាក់​សង្កត់​លើ​ប្រាកដ​មែន។ សាកសព​ក៏ត្រូវ​បានប្រគល់​ឲ្យ​សាច់ញាតិ ដឹកយក​ទៅធ្វើ​បុណ្យ​តាម​ប្រពៃណី នៅ​ស្រុកកំណើតរៀងៗខ្លួន៕ ដោយ៖ អរុណ