ភ្នំពេញ៖ កាលពីវេលាម៉ោង៣និង៣០នាទី ឈានចូលថ្ងៃទី៣ ខែកក្តដា ឆ្នាំ២០១៨ បុរសជាប្តីបានយកលុយពីប្រពន្ធ២០០ដុល្លារ មិនបានប៉ុន្មានផងក៏តេទៅប្រាប់ប្រពន្ធថា បងតិចទៀត នឹងសម្លាប់ខ្លួនហើយ ដែលហេតុការណ៍នេះបានកើតឡើង តាមបណ្តោយផ្លូវ១៥ កែងផ្លូវ១៣៦ នៅចំណុចផ្ទះជួលគ្មានលេខជាន់ទី៥ ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ។

ជនរងគ្រោះមានឈ្មោះទូច ចំរើន ហៅក្រៅឈ្មោះនុយ អាយុ៣៥ឆ្នាំ ស្នាក់នៅផ្ទះជួលគ្មានជាន់ទី៥ មានស្រុកកំណើតនៅខេត្តព្រៃវែង។ ប្រពន្ធជនរងគ្រោះបានប្រាប់ថា មុនពេលដែលកើតហេតុប្តីរបស់គាត់ម៉ោងប្រហែលជា៨យប់ថ្ងៃទី២ ខែកក្តដា ឆ្នាំ២០១៨ បានតេមកសុំលុយគាត់ចំនួន២០០ដុល្លារម្តងហើយ លុះពេលដែល ម៉ោង១០យប់ថ្ងៃដ៍ដែល ក៏តេមកមួយសារទៀតថា បងតិចទៀតនឹងសម្លាប់ខ្លួនហើយ ប្រពន្ធគាត់មិនជឿរស្មានថានិយាយលេង លុះពេលដែលដល់ម៉ោងប្រហែលកើតហេតុខាងលើ អ្នកជាប់បន្ទប់ជួលបានលឺសំលេងទូរស័ព្ទដៃ រហូតប៉ុន្តែមិនមានអ្នកលើកទូរស័ព្ទដៃសោះ ភ្លាមៗនោះដែលក៏ដើរទៅមើល ក៏ឃើញបន្ទប់របស់ជនរងគ្រោះមិនមានចាក់សោរនោះទេ ហើយអ្នករស់នៅជិតខាងអើតមើលឃើញជនរងគ្រោះចង.កនឹងខ្សែលីឡុងស្លាប់បាត់ទៅហើយ រួចក៏តេប្រាប់បងប្អូននឹងម្ចាស់ផ្ទះអោយមកមើល។ ក្រោយពេលកើតហេតុសមត្ថកិច្ចពិនិត្យកោសល្យវិច្ច័យរួចក៏ប្រគល់ទៅអោយសាច់ញ្ញាតិយកទៅធ្វើបុណ្យនៅឯស្រុកកំណើតនៅខេត្តព្រៃវែង៕