ស្វាយរៀង៖ បុរសវ័យចំណាស់ម្នាក់ ជាយោធិនពិការដៃ និងជាសមាជិកគណបក្ស (LDP) បានទាញដំបងឫស្សីវាយទៅបុរសម្នាក់ជាជនពិកាជើង បណ្ដាលឲ្យរងរបួសធ្ងន់ ព្រោះតែរឿងចាក់មេក្រូ ឃោសនាបោះឆ្នោត កាលពីថ្ងៃទី១៣ ខែកក្កដា ឆ្នាំ២០១៨ ចំណុចផ្ទះ២០០ខ្នង ស្ថិតក្នុងភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង។ ជនបង្កឈ្មោះ សុវណ្ណ ចាន់សាវ៉ាត ភេទប្រុស អាយុ៦១ឆ្នាំ ជនជាតិខ្មែរ ជាយោធិនពិការ និងជាសមាជិកគណបក្សសម្ព័នដើម្បីប្រជាធិបតេយ្យ(LDP)មានទីលំនៅ ភូមិត្បែងឃុំគោកព្រីង ស្រុកស្វាយជ្រំ បច្ចុប្បន្នស្នាក់នៅចំណុចផ្ទះ២០០ខ្នង ស្ថិតក្នុងភូមិជីកដី ឃុំអណ្ដូងត្របែក ស្រុករមាសហែក បានធ្វើសកម្មភាពយកដំបងដើមឫស្សីវាយទៅលើឈ្មោះ ឡុង ជី ភេទប្រុស អាយុ៦០ឆ្នាំ មុខរបរ យោធិនពិការដូចគ្នា មានទីលំនៅភូមិពោធិរស់ ឃុំបាសាក់ ស្រុកស្វាយជ្រំ បច្ចុប្បន្នស្នាក់នៅចំណុចផ្ទះ២០០ខ្នង ស្ថិតក្នុងភូមិជីកដី ឃុំអណ្ដូងត្របែក ស្រុករមាសហែក ត្រូវចំក្បាល បណ្តាលឲ្យរងរបួសធ្ងន់។ មូលហេតុ ដែលធ្វើឲ្យជនសង្ស័យវាយទៅលើជនរងគ្រោះនោះ គឺដំបូងឡើយ ជនរងគ្រោះបានចូលទៅហាមឃាត់ជនសង្ស័យកុំឲ្យចាក់មេក្រូឃោសនាគណបក្សនយោបាយ ពេលនោះស្រាប់តែជនសង្ស័យក៏ទាញដំបងឫស្សីវាយទៅលើជនរងគ្រោះតែម្ដង ៕
.jpg?1711704207)
.jpg?1711518506)
.jpg?1711449474)
.png?1711277130)
.jpg?1711704207)
.jpg?1711518506)
.jpg?1711517593)
.jpg?1711449474)
