ភ្នំពេញ៖ សមត្ថកិច្ចប៉ុស្ដិ៍ទន្លេបាសាក់សហការជាមួយសមត្ថកិច្ចខណ្ឌចំការមននឹងសន្តិសុខកោះពេជ្របានធ្វើការលោមព័ន្ធម្តុំស្ពានឥន្ធនូកោះពេជ្រដោយតាមចាប់ឃាតខ្លួនបានជនសង្ស័យម្នាក់នឹងបក្សពួកចំនួន២នាក់ទៀតបានលោតចូលទឹកទន្លេក្បែរស្ពានឥន្ធនូនោះគេចខ្លួនបាត់ស្រមោលឈឹងក្រោយពីធ្វើសកម្មភាពឆក់ទូរស័ព្ទបានសម្រេច ។

ហេតុការណ៍នេះដែរបានកើតឡើងការពីវេលាម៉ោង ១០នឹង០០នាទីយប់ ថ្ងៃទី ២៦ ខែកក្កដា ឆ្នាំ ២០១៨ ស្ថិតនៅម្តុំស្ពានឥន្ធនូកោះពេជ្រ សង្កាត់ ទន្លេបាសាក់ ខណ្ឌ ចំការមន រាជធានីភ្នំពេញ ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញយុវជន៣ នាក់ជិះម៉ូតូម៉ាកឌ្រីមសង់សេ១២៥ពណ៌ខ្មៅមួយគ្រឿងមិនចាំស្លាកលេខបានធ្វើសកម្មភាពឆក់ទូរស័ព្ទពីជនរងគ្រោះបានសម្រេច តែត្រូវបានប្រជាពលរដ្ឋដេញតាមនិងសមត្ថកិច្ចដេញ ពីក្រោយធាក់បណ្តាលឲ្យដួលហើយជនសង្ស័យ២នាក់ភ័យពេកក៏បានលោតចូលទឹកនៅក្រោយផ្សារអុីអនម៉លបាត់ស្រមោលឈឹង ចំណែកឯជនសង្ស័យម្នាក់ទៀតត្រូវបានសមត្ថកិច្ចក្របួចបានយកទៅប៉ុស្តិ៍នគរបាលទន្លេបាសាក់។ ជនសង្ស័យដែរសម្ថកិច្ចឃាត់បាននោះមានឈ្មោះ ដែត អាយុ ១៦ ឆ្នាំ ហើយគេក៏បានប្រាប់សម្ថកិច្ចថាជនសង្ស័យទាំង២នាក់ដែលលោតចូលទឹកនោះបើតាមគេដឹងគឺមិនចេះហែលទឹកទេដោយហេតុភ័យក្លាយសម្ថិច្ចតាមឃាត់ក៏សម្រេចចិត្តលោតចូលទឹកហើយសម្ថកិច្ចលោមព័ទ្ធតាមរកអស់រយះពេលជាង២ម៉ោងនៅតែមិនឃើញ ។ ក្រោយពេលកើតហេតុជនរងគ្រោះបានទៅដាក់ពាក្យបណ្ដឹងនៅប៉ុស្តិ៍នគរបាលទន្លេបាសាក់សមត្ថកិច្ចក៏សួរនាំនឹងដាក់ទោសទៅតាមនិតិវិធីច្បាប់ ។​ ដោយឡែកជនសង្ស័យទាំងពីរនាក់ដែរលោតចូលទឹកនោះសម្ថកិច្ចរកពុំទាន់ឃើញនៅឡើយទេ ៕ ដោយៈភារ៉ា