ជនសង្ស័យពីរនាក់ បើករថយន្តបុកបារ៉ាស់រថយន្តប៉េអ៊ឹម បោះពួកដំដៅចូលផ្ទះអ្នកស្រុក លោតទំលាក់ពីរថយន្ត បណ្តាលឲ្យរថយន្តហោះធ្លាក់ចូលត្រាំទឹកស្រះតែម្តង...

បន្ទាយមានជ័យ៖ រថយន្តដឹកសត្វព្រៃ បើកលឿនដូចហោះ ដើម្បីគេចពីការតាមប្រមាញ់ របស់អាវុធហត្ថ ជ្រុលរ៉េចង្កូតធ្លាក់ចូលទឹកស្រះ នៅស្រុកព្រះនេត្រព្រះ កាលពីថ្ងៃទី០៥ ខែសីហា ឆ្នាំ២០១៨ លើកំណាត់ផ្លូវជាតិលេខ៦ ស្ថិតក្នុងឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។

បន្ទាប់ពីបើករត់គេចបុកបារ៉ាស់រថយន្តប៉េអឹម ពីឃុំអូរបីជាន់ ស្រុកអូរជ្រៅ រួចរត់តាមផ្លូវជាតិលេខ៥ រហូតដល់ផ្លូវជាតិលេខ៦ សំដៅទៅសៀមរាប ដល់ចំណុចខាងលើ រត់មិនរួចដោយ សមត្ថកិច្ចយករថយន្តធុនធំបិទផ្លូវ ទើបបង្កឲ្យរថយន្តដឹកសត្វព្រៃ បត់ស្តាំសំដៅចូលផ្ទះអ្នកស្រុកលោតទំលាក់ពីរថយន្ត បណ្តាលឲ្យរថយន្តហោះធ្លាក់ចូលស្រះ ។

សមត្ថកិច្ចបានធ្វើការឃាត់ខ្លួនជនសង្ស័យពីរនាក់ទី១. ឈ្មោះ បាន ផារៈ ភេទប្រុស អាយុ២៨ឆ្នាំ និង ទី២.ឈ្មោះ យ៉ាន់ យេង ភេទប្រុស អាយុ៣៩ឆ្នាំ អ្នកទាំង២រស់នៅ ខេត្តសៀមរាប បើកបររថយន្តម៉ាកហាឡែនដឺ ពណ៌ទឹកប្រាក់ ពាក់ស្លាក់លេខ ភ្នំពេញ 2Y-9941 សេរីឆ្នាំ២០០៥ ហើយក្នុងរថយន្តមានស្លាកលេខផ្សេងទៀតដូចជា ភ្នំពេញ 2Z-9183 ។ នៅក្នុងរថយន្តផ្ទុកទៅដោយសត្វព្រៃពេញមួយរថយន្ត រួមមាន សត្វអណ្តើក កន្ធាយ អន្សង ជាដើម ដែលសមត្ថកិច្ចកាក់មិនឈប់ បើកគេចចូលផ្ទះពលរដ្ឋ ហើយធ្លាក់ចូលទឹកស្រះតែម្តង ។ ក្រោយស្ទូចឡើងមកលើសមត្ថកិច្ចបាន ប្រមូលទាំងសត្វ និងរថយន្តបញ្ជូនមករក្សាទុកនៅអាវុធហត្ថខេត្តបន្ទាយមានជ័យ ។