ភ្នំពេញ៖ កាលពីយប់ថ្ងៃទី០៤ ខែសីហា ឆ្នាំ២០១៨ ជនសង្ស័យពីរនាក់ បានធ្វើសកម្មភាពឆក់ទូរស័ព្ទបានហើយ ព្យាយាមជិះរត់ តែ​ត្រូវម្ចាស់ដេញតាមទាន់ ហើយ​ចាប់បានម្នាក់ ស្វាគមន៍ម្នាក់មួយដៃមួយជើង ឡើងទ្រោមខ្លួន រួចប្រគល់ឲ្យ សមត្ថកិច្ច ដែលកន្លែងកើតហេតុស្ថិតនៅតាមបណ្ដោយ ផ្លូវកប់ស្រូវ ចំណុចជិតស្ពានទឹកស្អុយ ក្នុងសង្កាត់ព្រែកព្នៅ ខណ្ឌព្រែកព្នៅ។

ជនរងគ្រោះមានឈ្មោះ កែវ វិចិត្រ ភេទប្រុស អាយុ២៩ឆ្នាំ មុខរបរចិញ្ចឹមត្រី ស្នាក់នៅភូមិកណ្ដាល សង្កាត់ព្រែកព្នៅ ខណ្ឌព្រែកព្នៅ។​ ចំណែកជនសង្ស័យនៅសន្លប់នៅឡើយទេ ទើបមិនអាចធ្វើការសួរចំលើយបាន។ នៅមុនពេលកើតហេតុ ជនរងគ្រោះ មានគ្នាបួននាក់ ជិះម៉ូតូមួយគ្រឿង ម៉ាកស្មាក់វី ពណ៌ខ្មៅ ពាក់ស្លាកលេខ ភ្នំពេញ 1AZ-9656 ខណៈមកដល់ចំណុចកើតហេតុ ស្រាប់តែលេចជនសង្ស័យ២នាក់ ជិះម៉ូតូមួយគ្រឿង ម៉ាកស្គុបពី ពណ៌ស មិនចាំស្លាកលេខ មកពីក្រោយ ធ្វើសកម្មភាពឆក់ទូរសព្ទ័ដៃពីរគ្រឿង ម៉ាកអាយ​ហ្វូនហ្វាយ និងមួយគ្រឿងទៀត ម៉ាកអូប៉ូ បានសម្រេច ហើយក៏ព្យាយាមរត់គេច តែត្រូវជនរងគ្រោះដេញតាមទាន់ ហើយ​ស្រែកចោរៗ ដេញរហូតដល់សង្កាត់ស្វាយប៉ាក ដោយផ្លូវស្ទះផងនោះ ជនសង្ស័យ ដែលជិះខាងក្រោយ បានលោតចេញពីម៉ូតូ រត់ត្រូវអ្នកភូមិព័ទ្ធចាប់បានម្នាក់ស្វាគមន៍ ឡើងចាស់ដៃ រួចប្រគល់អោយសមត្ថកិច្ច ចំណែកម្នាក់ទៀត ជិះរត់គេចខ្លួនបាត់ស្រមោល។ ក្រោយកើតហេតុជនសង្ស័យ និងជនរងគ្រោះ ត្រូវសមត្ថកិច្ចនាំខ្លួនមកប៉ុស្តិ៍ស្វាយប៉ាក ដើម្បីសួរនាំ ដោយសារកន្លែងឆក់នៅទឹកដីខណ្ឌព្រែកព្នៅ ទើបប្រគល់ឲ្យសមត្ថកិច្ចខណ្ឌព្រែកព្នៅចាត់ការបន្ត៕ ដោយ៖ និស្ស