រោគសញ្ញានៃជំងឺគ្រុនពោះវៀនអាចលេចចេញពីស្រាលទៅធ្ងន់ អាស្រ័យទៅលើកត្តាមួយចំនួនដូចជា អាយុ សុខភាពប្រចាំកាយ និងប្រវត្តិនៃការចាក់វ៉ាក់សាំង និងទីតាំងដែលការឆ្លងអាចកើតមាន។ ជំងឺគ្រុនពោះវៀនអាចកើតមានភ្លាមៗ ឬសំងំស្ងៀមក្នុងរយៈពេលជាច្រើនសប្តាហ៍។ រោគសញ្ញាភ្លាមៗនៃជំងឺនេះរួមមាន៖
– ក្តៅខ្លួន អាចរហូតដល់ ៣៩ ទៅ ៤០អង្សាសេ
– មានអារម្មណ៍ឈឺសាច់ដុំ ឬ ឈឺចុករោយពេញខ្លួន
– អស់កម្លាំង ឬខ្សោយ
– ទល់លាមក ឬ រាគ
– ឈឺក្បាល
– ឈឺពោះ និងមិនចង់ញ៉ាំអាហារ
– ឈឺក
នៅពេលដែលជំងឺគ្រុនពោះវៀនមិនត្រូវបានព្យាបាល រោគសញ្ញាអាចវិវត្តកាន់តែអាក្រក់ទៅៗពីមួយសប្តាហ៍ទៅមួយសប្តាហ៍។ ក្រៅពីគ្រុនក្តៅ មនុស្សមួយចំនួនអាចស្រកទម្ងន់ ហើមពោះ ឬឡើងកន្តួលក្រហមនៅនឹងក្រោមទ្រូង ឬផ្នែកខាងលើនៃពោះ។ ជាធម្មតា កន្តួលក្រហមនេះនឹងបាត់ទៅវិញក្នុងរយៈពេលពី ២ ទៅ ៥ថ្ងៃ ។
ក្នុងករណីភាគច្រើន រោគសញ្ញានៃជំងឺគ្រុនពោះវៀនចាប់ផ្តើមបាត់ទៅវិញក្នុងសប្តាហ៍ទី៣ និងទី៤ នៅពេលដែលជំងឺនេះមិនបណ្តាលអោយទៅជាបញ្ហាសុខភាពដទៃទៀត។ ក្រោយពីជំងឺនេះបាត់ទៅវិញនោះវាក៏អាចត្រឡប់មកវិញផងដែរ។
ដើម្បីការពារ៖
– ត្រូវរស់នៅស្អាតជានិច្ច
– ហូបស្អាត ផឹកស្អាត
– ចៀសវាងការទទួលទានអាហារឆៅ។
សម្រួលអត្ថបទដោយ៖ ស្រីពៅ
.jpg?1711704207)
.jpg?1711518506)
.jpg?1711517593)
.jpg?1711449474)
