ព្រះសីហនុ៖ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុង ដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុង ក្រោមការសម្របសម្រួលពីលោកព្រះរាជអាជ្ញារង រស់ សារាំ បានចុះបង្រ្កាបហាងម៉ាស្សាមួយកន្លែងឈ្មោះ ម៉ាស្សាចិន បង្កប់សេវាផ្លូវភេទ ឃាត់ខ្លួនជនជាតិចិនចំនួន១៦នាក់ ស្រី០៨នាក់ ខ្មែរចំនួន០៥នាក់ ស្រីម្នាក់​ ស្ថិតនៅភូមិ៣ សង្កាត់លេខ៤ ក្រុងព្រះសីហនុ កាលពីវេលាម៉ោងជិត១រំលងអាធ្រាត្រឆ្លង ចូលថ្ងៃទី ថ្ងៃទី១៨ ខែសីហា ឆ្នាំ២០១៨ ។

វត្ថុតាងដែលចាប់បានរួមមាន ស្រោមអនាមយ័ប្រើប្រាស់រួចចំនួន២, ស្រោមអនាមយ័មិនទាន់ប្រើប្រាស់មួយចំនួនធំ, រថយន្តម៉ាកហាយលិនឌរ័មួយគ្រឿង និងថវិការមួយចំនួនទៀត។ បច្ចុប្បន្នជនសង្ស័យ ព្រមទាំងវត្ថុតាងកម្លាំងការិយាបទល្មើសជួញដូរមនុស្ស អ.ហខេត្ត កំពុងធ្វើការសាកសួរបន្តនៅបញ្ជាការដ្ឋានអាវុធហត្ថខេត្ត៕ ដោយ៖ និស្ស័យ