​ព្រះ​សីហ​នុ ៖ នៅថ្ងៃទី២២ ខែសីីហា ឆ្នាំ២០១៨ មានករណីទុស្សេខ្សែភ្លើង​ បណ្តាលឲ្យឆេះអគារស្នាក់​នៅរបស់កម្មករចិន ស្ថិត​នៅ​ចំណុច​ជាប់​ការដ្ឋាន​សំណង់​មួយ​កន្លែង ស្ថិត​ក្នុងភូមិ​០១ សង្កាត់​លេខ​០៣ ក្រុងព្រះសីហនុ កាលពីវេលាម៉ោង០១និង៤៥នាទីរសៀល។

សមត្ថកិច្ចបានប្រាប់ឲ្យដឹងថា​ អគារ​ដែល​ឆេះ​ទាំងស្រុង​នេះ មាន​ទទឹង​ប្រមាណ​ជា​៨​ម៉ែត្រ​×៨០​ម៉ែត្រ សង់​ពី​ដែក​ជ្រុង​ប្រក់ស​ង្ក័​សី ជញ្ជាំង​ជ​រ័ ប្រភេទ​ប៉ុង​ណា​ម ការពារ​កំ​ដៅ​ថ្ងៃ ដែល​ជា​កន្លែង​ស្នាក់​បណ្តោះអាសន្ន​របស់​កម្មករ ។ សមត្ថកិច្ចបានប្រាប់ថា មូលហេតុបណ្តាលមកពី​ឆ្លង​ចរន្តអគ្គិសនី ចេញ​អណ្តាតភ្លើង​ឆាបឆេះ​ជញ្ជាំង​ជ័រ​ប្លា​ស្ទិ​ក​ប៉ុង​ណា​ម ទើប​ឆេះ​មាន​ល្បឿន​លឿន​ដូចនេះ​។ ប៉ុន្តែ​យ៉ាងណា មិន​បង្ក​គ្រោះថ្នាក់​ដល់​អាយុជីវិត​មនុស្ស​នោះ​ទេ ។ រថយន្ត​ពន្លត់​របស់​ស្នងការដ្ឋាន​នគរបាល​ខេត្ត​ព្រះ​សីហ​នុ ចេញ​មក​អន្តរាគមន៍​ភ្លាម​ៗ​ដែរ តែ​នៅ​មិន​អាច​សង្គ្រោះ​ទាន់​ទៀត ៕ ដោយ៖ និស្ស័យ