ភ្នំពេញ៖ កាលពីថ្ងៃម្សិលមិញនេះ ក្រុមចោរមួយក្រុម មានគ្នាចំនួន៥នាក់ បានចូលប្លន់ ធនាគារ អ.អេច.ប៊ី ឥណ្ឌូឆៃណា (RHB Indochina Bank) ទាំងកណ្តាលថ្ងៃត្រង់ បង្កឲ្យមានការភ្ញាក់ផ្អើលយ៉ាងខ្លាំង ពេញទីក្រុងភ្នំពេញ។ នេះជាហេតុការមួយដែលកម្រមានណាស់ នៅក្នុងប្រទេសកម្ពុជា។ ទាក់ទងនិងការតាមប្រាញ់រកមុខសញ្ញាជនសង្ស័យផងនោះ សមត្ថកិច្ចដុតដៃ ដុតជើង ដើម្បីធ្វើការស់ើុបអង្កេត រកជនសង្ស័យនោះមកផ្តន្ទាទោសតាមច្បាប់។

ដោយឡែកនៅក្នុងហេតុការណ៍នោះផងដែរ សមត្ថកិច្ចបានធ្វើការឃាត់ខ្លួនបានបុរសម្នាក់​ ដោយសង្ស័យថា ជាបក្ខពួករបស់ជនល្មើសដែលបានចូលលួចលុយនៅក្នុងធនាគារ គឺដោយសារតែបុរសរូបនោះ បានពាក់អាវក្រៅដូចទៅនឹងជនល្មើសនោះខ្លាំងណាស់។ ក្រោយពីសមត្ថកិច្ចធ្វើការសាកសួររួមមក ក៏បានដោះលែងយុវជននោះវិញ ដោយសារតែយុវជននោះមិនមែនជាបក្ខពួករបស់ក្រុមជនល្មើសឡើយ៕ ដោយ៖​ អាខ្មៅ