កម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia បានចាប់ផ្តើមរដូវកាលទី ០២ ថ្ងៃទី២៦ ខែសីហា ឆ្នាំ២០១៨ ជាវគ្គ The Blind Audition សប្តាហ៍ទី ០២ ហើយបេក្ខភាពនីមួយៗ ដែលបានចូលខ្លួនសុទ្ធតែមានសមត្ថភាពមិនធម្មតា ធ្វើឲ្យកម្មវិធីប្រលងកាន់តែល្អមើល និងជក់ចិត្តដិតអារម្មណ៍។

ចំពោះសប្តាហ៍នេះ មានកុមារាកុមារីជាច្រើនបាន ចេញមកប្រកួតប្រជែងដើម្បីយកចិត្តគ្រូបង្វឹកទាំងបីឲ្យបង្វែរកៅអីជ្រើសយកខ្លួន។ ក្នុងនោះក៏មានកុមារា ឈ្មោះ ឆេង ប្រសិទ្ធ អាយុ១០ឆ្នាំ មកពីរាជធានីភ្នំពេញ បានឡើងបកស្រាយនូវបទចម្រៀងជាភាសាអង់គ្លេស ដែលមានចំណងជើង “Girl On Fire”។ ដោយឡែកពេលដែលច្រៀងចប់ ហើយក៏ត្រូវគណកម្មការដណ្តើមគ្នា ជ្រើសយក តែអ្វីដែលហួសចិត្ត គាត់មិនបាននិយាយអ្វីច្រើនទេ ស្រាប់តែនិយាយពាក្យថា ចង់ចូលស្តីដណ្តឹង ឱក សុគន្ធកញ្ញា ដោយបាននិយាយថាស្រលាញ់ចូលចិត្ត ឱក សុគន្ធកញ្ញា តាំងពីអាយុ២ឆ្នាំមកម្លេះ ហើយត្រូវទស្សនិជន ស្រែកហ៊ោ ពេញឆាកតែម្តង..។ តោះចង់ជ្រាបច្បាស់មកទស្សនាវីដេអូនៅខាងក្រោមនេះ៖