កណ្តាល៖ កាលពីថ្ងៃទី ២៥ ខែសីហា​ ឆ្នាំ២០១៨ នៅចំណុចពាមតាយូស លើផ្លូវ7NG ស្ថិតក្នុងភូមិព្រែកលួង ឃុំព្រែកលួង ស្រុកខ្សាច់កណ្តាល ខេត្តកណ្តាល បុរសម្នាក់ និងមិត្តភក្តិជាច្រើននាក់ទៀត នាំគ្នាទៅលេងទឹកហូរកាត់ផ្លូវចំណុចពាមតាយួស ខាងលិចក្រុមហ៊ុន 7NG ខណៈពេលកំពុងលេងទឹកភ្លេចខ្លួន ស្រាប់តែបុរសម្នាក់បានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់តែម្តង។

ជនរងគ្រោះឈ្មោះ ណន នី ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិសេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល(បាត់ខ្លួន)។ ប្រពន្ធឈ្មោះ ភឿន ស្រស់ អាយុ២៥ឆ្នាំ ជនជាតិខ្មែរ មុខរបរ កសិករ មានទីលំនៅភូមិឃុំជាមួយគ្នា។ មុនពេលកើតហេតុ​វេលា ជនរងគ្រោះ និងមិត្តភក្តិជាច្រើននាក់ទៀត បាននាំគ្នាទៅលេងទឹកដែលហូរកាត់ផ្លូវចំណុចពាមតាយួស ត្រង់ចំណុចខាងលិចក្រុមហ៊ុន 7NG ដែលមានទឹកហូរគួចយ៉ាងខ្លាំង ខណៈពេលកំពុងលេងទឹកភ្លេចខ្លួន ជនរងគ្រោះបានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់តែម្តង។ ភ្លាមៗនោះ ប្រពន្ធរបស់ជនរងគ្រោះក៏បានស្រែកឲ្យគេជួយប្តីគាត់ផង ទឹកគួចប្តីរបស់គាត់ទៅបាត់ហើយ ដោយសារតែកំលាំងទឹកគួចខ្លាំងពេក គ្មានននរណាម្នាក់ហ៊ានជួយនោះទេ រហូតដល់វេលាម៉ោង០៩ព្រឹក​ ថ្ងៃទី២៦​ ខែសីហា​ ឆ្នាំ​២០១៨ នេះសមត្ថកិច្ច និងក្រុមគ្រួសារ កំពុងរាវរក តែមិនទាន់ឃើញទេ៕ ដោយ៖ អាខ្មៅ