ភ្នំពេញៈ ក្តីអាណិតអាសូររបស់អ្នកប្រើប្រាស់បណ្តាញសង្គមហ្វេសបុក ជាច្រើនបានកើតឡើងភ្លាមៗ ​ក្រោយឃើញ​ស្រ្តី​ម្នា​ក់​ពរកូនតូចអោបជាប់និងទ្រូង ឯដៃម្ខាងទៀតជូតឈាម ដែលប្រលាក់ជោគខ្លួន ដ្បិត​ត្រូវ​លោក​ប្តីបានសម្រស់ តែអន់​ចរិតធ្វើ​ការវាយដំ​លើផ្លូវកាយប្រពន្ធ ដោយពុំបានផ្តល់ក្តី​សុខឲ្យ​នាង ដូច​គ្រាផ្តើមស្នេហ៍ និងមើលថែដូចរូបសម្រស់របស់គេនោះឡើយ។ ម្ចាស់គណនីហ្វេសប៊ុក​ដែល​បានបង្ហាញរូបភាព ​ជាច្រើនសន្លឹកគួរឲ្យស្រណោះ បានរៀបរាប់​ដោយ​ក្តុកក្តួល​ចំពោះ​ស្រ្តី​អភ័ព្វមានប្តីរូបសង្ហារ ខ្វះចិត្តធម៌ថា «ប្តីសង្ហារ ឡូយឆាយ ធ្វើបាប​ប្រពន្ធ ស្រក់ទឹកភ្នែក រាល់ថ្ងៃ»។

ក្រោយឃើញទង្វើដ៏អមនុស្សធម៌ ក្នុងនាមជាប្តីបែរហ៊ាន​លើកដៃ វាយប្រពន្ធយ៉ាងព្រៃផ្សៃ​បែប​នេះ ​ម្ចាស់​គណនី​ហ្វេសប៊ុក មួយបានលើកដោយបង្ហាញកំហឹងក្នុងចិត្តថា «មនុស្ស​ម្នាក់ៗគ្មានអ្នកណាម្នាក់ ដឹងមុនទេ មិនមែន​តែសង្ហាស្អាតទើបចឹងទេ មក​ពី​​មនុស្សចរិត​ព្រៃផ្សៃទេ ទើបលើកដៃវាយប្រពន្ធខ្លួនឯងបែបនេះមែនទេ កុំបន្ទោស​គាត់ថា គាត់ស្រលាញ់​មនុស្សប្រុសដែលស្អាតអី ក្តីស្រលាញ់កើតចេញរវាងមនុស្សពីរនាក់បាន ឈានដល់​ការ​រៀប​ការ បងស្រីគាត់គាត់មិនខុសទេ គឺមកពីមនុស្សប្រុសទេ»។ មិនចាញ់គ្នាប៉ុន្មាន​ម្ចាស់គណនី​ហ្វេសប៊ុកមួយទៀត ក៏បានលើកដោយតាំងចិត្តថា « ខ្ញុំ​ឃើញ​​ទិដ្ឋភាពនេះ បើខ្ញុំ​មាន​ប្រពន្ធសន្យាថា ទោះ​ខឹងយ៉ាងណា​ក៏ដោយ ខ្ញុំមិនហ៊ាន​លើក​ដៃវ៉ៃឡើយ វ៉ៃប្រពន្ធដូចវ៉ៃម៉ែ ខ្ញុំចឹងព្រោះគាត់ជា​ស្រី អាណិតណាស់លោកអើយ មនុស្ស​ប្រុស​ខ្លះមិនស្គាល់បុណ្យបាបមែន» ៕ ប្រភពៈ biz-kh