កាលពីព្រឹកថ្ងៃទី២៩ ខែសីហា ឆ្នាំ២០១៨ ម្សិលមិញនេះ សម្តេច ហ៊ុន សែន បានអញ្ជើញចុះជួបសំណេះសំណាលជាមួយកម្មករ កម្មការិនីសរុបចំនួន ១៤,៧៩៩នាក់មកពីរោងចក្រ សហគ្រាសចំនួន៦ ក្នុងខណ្ឌពោធិ៍សែនជ័យ ហើយកិច្ចសំណេះសំណាលនេះធ្វើឡើងនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

យ៉ាងណាមិញនៅក្នុងគណនីហ្វេសប៊ុក របស់លោក ផែង វណ្ណៈ បានរៀបរាប់ថា "ភ្ញាក់ឡើងគេងលែងលក់ ??? នឹកឃើញព្រឹកមិញ ប្អូនស្រីជាកម្មការិនីម្នាក់ បានកាន់ទូរស័ព្ទដៃម៉ាកអិនចុចពិលដែលមានកាមេរ៉ាមកសុំសម្តេចថតរូប ??? សម្តេចបានសួរថា អានឹងថតរូបបានដែរក្មួយ??? ព្រមទាំងបានផ្តល់ថវិកាមួយចំនួនសម្រាប់ទិញស្មាតហ្វូនមួយដើម្បីប្រើប្រាស់និងថតរូបបានស្អាតដូចគេ!!! នាងយំហ៊ូតែម្តង រំភើបពេក និយាយមិនចេញ គិតតែពីយំ ព្រោះគោលបំណងគ្រាន់តែមកសុំថតជាមួយសម្តេចមួយប៉ុស្តិ៍តែប៉ុណ្ណោះ (គាត់និយាយហ្ស៊ីន ដោយសារខ្ញុំតាមសួរគាត់)" ។ រូបថត​ និង​ អត្ថបទ​ ​ Som Nisay# ប្រភព៖ Vannak Pheng