លោក វិល្លាម លើកយកចំណុចខុសប្លែកគ្នារវាងវត្តមានជនជាតិចិន និងជនជាតិជប៉ុនលើទឹកដីកម្ពុជា
ណារ៉ា
-

កាលពីព្រឹកថ្ងៃទី០១ ខែកញ្ញា ឆ្នាំ២០១៨ កន្លងទៅម្សិលមិញនេះប្រធានគណបក្ស ខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម បានលើកយកនូវចំណុចខុសប្លែកគ្នារវាងវត្តមានជនជាតិចិន និងជនជាតិជប៉ុនលើទឹកដីកម្ពុជា។ លោក វិល្លាម បានរៀបរាប់ថា៖

«ជប៉ុនមកជួយរេីសសំរាម ចិនមកពង្រាយសំរាម ជប៉ុនមកជួយឧត្តមលេីកម្មវិធីបោះពុម្ភសៀវភៅ ចិនមកបំពុលធនធានមនុស្ស ជប៉ុនមកបង្កេីតអង្គការ Jica ជួយសង្គមខ្មែរ ចិននាំភាពអាណាធិបតេយ្យបំពុលសង្គមខ្មែរ ជប៉ុនមកធ្វេីស្ពាន ផ្លូវ ដោយមិនទាមទារសំណង ចិនមកធ្វេីស្ពានផ្លូវ គុណភាពអន់ឆាប់ខូចដេីម្បីធ្វេីម្ចាស់បំណុល ជប៉ុនបង្កេីតអង្គការ Jimas ជួយដោះមីន ចិនមកកាន់អាវុធពេញកំពង់សោម ជប៉ុនបង្កេីតអង្គការ JHP មកជួយលេីវិស័យអប់រំខ្មែរ ចិនមកបេីកក្លឹប បេីកបន បំផ្លាញធនធានមនុស្សខ្មែរ ជប៉ុនជួយបច្ចេកទេសកម្មវិធីសិក្សាច្បាប់ «រដ្ឋប្បវេណី» ចិនមកធ្វេីអោយប្រព័ន្ធច្បាប់ឈឺក្បាល
៖ ចិន រុស្សី យួន អាមេរិក បានបង្កេីតនូវទស្សនីយភាពប្រទាញប្រទង់គ្នាលេី សង្គ្រាមមនោគមវិជ្ជាត្រជាក់នៅកម្ពុជា រីឯជប៉ុនព្យាយាមស្ដានូវផលប៉ះពាល់ពីមនោគមវិជ្ជាដែលប្រទេសទាំង៤បន្សល់នៅកម្ពុជា . ហេីយជួយកម្ពុជាគ្រប់វិស័យទាំងអស់ដោយមិនទាមទាគុណសម្បត្តិ ដោយចាំឱកាសធំតែម្ដង មិនកេងចំណេញលេីរឿងកំប៉េកកំប៉ុក ១ ចិនជួយខ្មែរចង់យកចំណេញ តាមរយៈនយោបាយខ្សែក្រវ៉ាត់មួយផ្លូវមួយ ២ រុស្សីជួយខ្មែរក្នុងគោលបំណងពង្រីកអំណាចកុម្មុយនីស្តខ្លួន ធ្លាប់ធ្វេីជាបង្អែកអោយយួនត្រួតត្រាអំឡុង១៩៧៩/១៩៩១ ៣ យួនជួយខ្មែរក្នុងន័យរកលេសឈ្លានពានបំផ្លិចបំផ្លាញលេបត្របាក់ ៤ អាមេរិកជួយខ្មែរទាមទាល័ក្ខខ័ណ្ឌមិនចេះចប់មិនចេះហេីយ
« ជប៉ុនជួយខ្មែរ៣០ឆ្នាំ ដោយមិនទាមទាគុណសម្បត្តិ មិនដែលរំលឹកគុណ មិនដែលអួតអាង មិនដែលទាល័ក្ខខ័ណ្ឌ » ជប៉ុន ធ្លាប់ជាប្រទេសអួតអាង ឈ្លេីយ ចង់ក្ដាប់អាស៊ី ដោយវិធីក្ដៅ ទីបំផុតជប៉ុនបរាជ័យ ជាបទពិសោធន៍មួយ ធ្វេីអោយជប៉ុនចេះដាក់ខ្លួន ពង្រីកមនោគមខ្លួនដោយអំពេីល្អ ហេីយជះឥទ្ធិពលមនោគមមកលេីអាស៊ីអាគ្នេយ៍យ៉ាងស្ងប់ស្ងាត់ ស្ទេីរគ្មានអ្នកវិភាគណាមេីលយល់ !
អាល្លឺម៉ង់ ធ្លាប់ជាប្រទេស មនោគមមុតស្រួច អំណួតអួតអាង សាបព្រួសសង្គ្រាមលោក ទីបំផុតអាល្លឺម៉ងបរាជ័យ រហូតមកដល់បច្ចុប្បន្ននេះអាល្លឺម៉ងបានបន្ទន់ឥរិយាបទ រហូត ម៉ាក ម៉ាគែល សុំទោសពិភពលោករឿងវិនាសកម្មសង្គ្រាមលោក ! បទពិសោធន៍ខាងអ៊ឺរ៉ុប អាល្លឺម៉ង់បានដេីរមុនអាមេរិក អាមេរិក បទពិសោធន៍ប៉ែក អាស៊ី ជប៉ុនបានដេីរមុនចិន ២០ឆ្នាំក្រោយ អាល្លឺម៉ង់ និង ជប៉ុន នឹងក្លាយជាមហាអំណាចថ្មីលេីប៉ែក ប៉ូល អ៊ឺរ៉ុប និង អាស៊ី អ្នកអាចជំទាស់ទស្សនៈរបស់ខ្ញុំបាន តែអ្នកមិនអាចបដិសេដថា ជប៉ុនមិនជះឥទ្ធិពលខ្លាំងមកលេីខ្មែរលេីស អាមេរិក និង ចិនបានទេ
កុំភ្លេចថា ផ្សារទំនេីបល្បីឈ្មោះនៅកម្ពុជា គឺផ្សារ អីអន របស់ជប៉ុន ដែលពលរដ្ឋកម្ពុជាចូលចិត្តដេីរកំសាន្ត ជាងផ្សាម៉ាក្រូ ដែលជាផ្សាថៃនិងជាដៃជេីងអាមេរិក កុំភ្លេចថាពលរដ្ឋខ្មែរស្ពាល់ស្ពានជប៉ុន ជាងស្ពានចិន កុំភ្លេចថាសិស្សានុសិស្សខ្មែរចងចាំគុណបំណាចជប៉ុន ធ្លាប់ជួយតុ ជួយកៅអី មកអោយពួកគេអង្គុយរៀន ។ នេះវាបញ្ជាក់ថា ចិន និង អាមេរិក គួរដឹងខ្លួននិងធ្វេីខ្លួនអោយបានចាស់ទុំបន្តិច « អត្ថបទនេះ ពេលនេះជាសំរាម តែអត្ថបទនេះ ២០ឆ្នាំក្រោយនឹងក្លាយជាមានតំលៃ »»៕