យោងតាមហ្វេសប៊ុកផ្លូវការរបស់ប្រធានគណបក្ស ខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម នៅរសៀលថ្ងៃទី០២ ខែកញ្ញា​ ឆ្នាំ២០១៨នេះ បានអោយដឹងថា ត្រឹមតែរយៈពេល៣សប្ដាហ៍ប៉ុណ្ណោះយុទ្ធនាការស្នាមមេដៃមួយដេីម្បីកោះត្រល់របស់លោកប្រមូលស្នាមមេដៃបានចំនួន ១៤០០០ ស្នាមមេដៃហេីយ។

លោកបន្ដថា៖ «យុទ្ធនាការស្នាមមេដៃមួយដេីម្បីកោះត្រល់ក្នុងរយៈពេល ៣សប្ដាហ៍ ប្រមូលបាន ១៤០០០ ស្នាមមេដៃហេីយ គណបក្សខ្មែរក្រោកនឹងខិតខំបន្តទៀតនូវយុទ្ធនាការនេះដេីម្បីប្ដឹងទាមទាយកដែនអធិបតេយ្យភាពដែលបាត់បង់ត្រឡប់មកវិញ បងប្អូនដែលចង់ផ្ដល់ស្នាមមេដៃដេីម្បីប្ដឹងទាមទាកោះត្រល់ សូមមេត្តាអញ្ជេីញមកស្នាក់ការកណ្ដាលគណបក្សខ្មែរក្រោកផ្ទះលេខ ១១ ផ្លូវ ៣៥៣ សង្កាត់បឹងកក់១ ខ័ណ្ឌទួលគោក បងប្អូនជនរួមជាតិដែលពិបាករកទីតាំងសូមទាក់ទង់ទូរស័ព្ទលេខ 012889257 . 0886889257 . 089787926 . 093684438 . សង្ឃឹមថាបងប្អូនដែលមានឆន្ទៈស្ដាយទឹកដី ស្រមៃចង់បានទឹកដីនឹងចូលរួមជាក់ជាមិនខាន , កុំអោយតែស្ដាយៗ ដល់ពេលគេដឹកនាំធ្វេីបែរជាស្ងាត់ឈឹង» ៕