កាលពីប៉ុន្មានម៉ោងមុននេះ លោកឧកញ៉ាចិត្តធម៌ ទៀ វិចិត្រ បានជួបលោកយាយអាយុ ៩៦ ឆ្នាំម្នាក់ កំពុងដើរលក់ស្លឹកខ្នឹងនៅតាមផ្លូវទាំងកណ្តាលថ្ងៃ ឃើញភ្លាម លោកឧកញ៉ា ទៀ វិចិត្រ បានស្ទុះទៅទទួលរាក់ទាក់លោកយាយ ហើយបាននិយាយលេងសួរសុក្ខទុកលោកយាយអស់មួយសន្ទុះធំ ទើបដឹងថាលោកយាយរស់នៅតែម្នាក់ឯង ពេលខ្លះលក់មិនដាច់គ្មានលុយបង់ភ្លើងឲ្យគេ គេផ្តាច់លោកយាយគ្មានអ្វីប្រើប្រាស់ឡើយ គឺពិតជាកម្សត់ណាស់។

ដោយមានចិត្តធម៌ និងអាណិតលោកយាយផង លោកឧកញ៉ាចិត្តធម៌ ទៀ វិចិត្រ បានទៅលេខផ្ទះលោកយាយ ហើយបានចេញថ្លៃបង់ភ្លើងឲ្យលោកយាយទៀត គឺចំនួន ១ឆ្នាំ ជាង រួចជាស្រាច់ លោកយាយពិតជារំភើបចិត្តណាស់។ ក្នុងនោះលោកឧកញ៉ាចិត្តធម៌ ទៀ វិចិត្រ បានសរសេរសាររៀបរាប់ថា អាណិតលោកយាយខ្លោចចិត្ត កុំបារម្ភអី !! ចៅបានជួយបង់ថ្លៃភ្លើងជូនលោកយាយសម្រាប់រយះពេល13 ខែរួចហើយ … ទៀ វិចិត្រ៕ សូមទស្សនាវីដេអូខាងក្រោមនេះ