មួយរយៈចុងក្រោយមកនេះ គេសង្កេតឃើញថា មានកូនខ្មែរជាច្រើន ហាក់ចូលចិត្តសិល្បះបុរាណ និងយល់ដឹងពីសិល្បះបុរាណខ្មែរបានច្រើន និងមានអ្នកចង់រៀនពីសិល្បះខ្មែរ ក្នុងការថែរក្សារអភិរក្សមរតកវប្បធម៌ខ្មែរ តទៅមុខ ដើម្បីទុកសម្រាប់ជាស្នាដៃ មិនព្រមឲ្យជនបរទេសណាម្នាក់មកបំពាន ឬចង់ដណ្តើមយកទៅនោះទេ។ យ៉ាងណាមិញ យើងមកមើលពីទឹកដៃរបស់ប្អូនស្រីម្នាក់ដែលទើបតែរៀនបានជាងកន្លះខែតែប៉ុនណោះ​ មានពេលខ្លះក៏មានភ្លៀងធ្លាក់ មិនបានរៀន ហើយពេលខ្លះក៏ត្រូវទៅរៀនសូត្រ ដើម្បីយកចំណេះដឹងមួយនេះ បន្តស្វែងរកអនាគត តទៅមុខ ។

ជាក់ស្តែងនៅក្នុងគណនីហ្វេសប៊ុករបស់លោក អាចារ្យធំ នគររាជ ក៏បានរៀបរាប់ថា "កុំចាំសល់ បានចែករំលែក! កុំចាំកើតបណ្ឌិត បានមកបង្រៀន! ចាប់ផ្ដើមពីឆន្ទៈ និងធ្វើភ្លាម នូវអ្វីដែលយើងមានលទ្ធភាព ចំពោះមុខ។ ?យើងបង្រៀនភ្លេងបុរាណខ្មែរដល់កូនក្មួយមិនយកលុយទេ មករៀនមកណា??? បង្រៀនដោយ សាលាសិល្បៈហ្វូណន Funan Art Page នៅទៅតាំងថ្មី ផ្ទះអាចារ្យធំ ទូរស័ព្ទ៖ ០៦៩ ៨៣៨៩៨៩"។ ដើម្បីការពារសម្បតិ្តវប្បធម៍ខ្មែរ ដូចនេះមានកូនខ្មែរទាំងអស់គ្នា ចូលរួមថែរក្សាវប្បធម៏ដូនតាទេ ព្រោះយើងជាខ្មែរ។ នៅក្នុងនោះផងដែរ នៅក្នុងវីដេអូរបស់លោក អាចារ្យធំ នគររាជ ក៏បានឲ្យដឹងថា ថ្វីត្បិតតែមិនទាន់មានកន្លែងសមរម្យសម្រាប់កូនៗ ក្មួយៗក៏ពិតមែន​ តែលោក និង សាលាសិល្បៈហ្វូណន និងខិតខំបង្រៀនប្អូន ក្មួយទៅតាមលទ្ធភាពផងដែរ។ មកស្តាប់ពីការរៀបរាប់ពីលោក អាចារ្យធំ នគររាជ មានវីដេអូ៖ ប្រភព៖ អាចារ្យធំ នគររាជ