នៅថ្ងៃនេះ លោក អាចារ្យធំ នគររាជ បានលើកយកកំណាព្យដ៏មានអត្តន័យ​ ដោយលោកបានរៀបរាប់ពីមោះមុត និងការពារសម្បតិ្តវប្បធម៏ខ្មែរជារៀងដរាបតទៅ ទោះស្ថិតនៅក្នុងស្ថានការណ៍បែបណាក៏ដោយ។ លោកក៏បានបួងសួងដល់វត្ថុស័ក្តសិទ្ធលើលោក សូមមេត្តាជួយដល់កូនខ្មែរ​ និងការពារវប្បធម៏ខ្មែរឲ្យមានភាពរីកចំរើន តទៅ។

ជាក់ស្តែងលោក អាចារ្យធំ នគររាជ បានលោកឡើងនូវកំណាព្យដ៏មានអត្តន័យថា៖ "ស្ដេចស្វាអួតអង្គ ប្រែបង់អំណាច ទសមុខធ្លាប់កាច ខ្លាចត្រូវមរណា ផ្អាកឈប់ជម្លោះ ព្រោះថ្ងៃអន្សា ពួតដៃសិនណា រួមការពារថែ។ ជង្គង់លង់លុត ធ្លាក់ស្រុតតេជះ លើកហត្ថសំពះ យំដាស់កូនខ្មែរ កុំចោលខោលជាតិ ត្រូវឃ្មាតកុំល្ហែ កុំប្រែត្រូវព្រួយ ជួយខោលឱ្យបាន។ មិនថោកនឹងសុំ ឱ្យតែខ្ញុំរស់ ព្រោះខ្លាចព្រាត់កាយ ឃ្លាតឆ្ងាយចោលឋាន ស៊ូយំក្នុងខ្មុក អួលចុកក្នុងប្រាណ ខ្លាចខានបានឃើញ! ចោលអង្គរ ដី។ បើខ្ញុំនាំគ្រោះ ព្រោះគិតថាថោក សូមពេលខ្ញុំក្រោក គ្រប់ខ្មែរប្រុសស្រី តាំងចិត្តកុំខឹង ប្រឹងមកពួតដៃ ទប់ថៃឱ្យក្លា! ណាខ្មែរទាំងឡាយ។ កុំចាំខោលបាត់ បានមកឈឺចាប់ កុំចាំខោលស្លាប់ បានទួញយំស្ដាយ កុំចាំគេយក បានមកខ្វល់ខ្វាយ កុំចាំអន្តរាយ ពោលស្ដាយតែមាត់៕ «សូមថែរក្សាពួកយើងផង ពួកយើងមិនចង់ឃ្លាតឆ្ងាយពីអ្នកទេ» #ល្ខោនខោលជារបស់កម្ពុជា ??❤️?? ??? អាចារ្យធំ នគររាជ៚"។ ប្រភព៖ អាចារ្យធំ នគររាជ