រតនគិរី÷ កាលពីថ្ងៃទី៣ ខែកញ្ញា ឆ្នាំ២០១៨ កម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត បានឆ្មក់ចូលបង្ក្រាបករណីជួញដូរនឹងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនប្រុសស្រីចំនួន៨នាក់ កាលពីវេលាម៉ោង៦ល្ងាច នៅត្រង់ចំណុចបន្ទុប់ខារ៉ាអូខេ (រ៉ូម) ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ។

ក្នុងប្រតបត្តិការនេះ សមត្ថកិច្ចបានឲ្យដឹងថា ជនសង្ស័យប្រុសស្រីចំនួន៨នាក់ រួមមាន÷ ទី១- ឈ្មោះ អ៉ិត ស្រីគីម ភេទស្រី អាយុ ១៦ឆ្នាំ ជនជាតិខ្នែរ ទី២- ឈ្មោះ យិន ស្រីនិច ភេទស្រី អាយុ ១៦ឆ្នាំ ជនជាតិខ្មែរ ទី៣- ឈ្មោះ ជា ដាវ៉ៃ ភេទប្រុស អាយុ១៨ឆ្នាំ ជនជាតិខ្មែរ ទី៤- ឈ្មោះ ស៊ីម ពិសិដ្ឋ ភេទប្រុស អាយុ១៨ឆ្នាំ ជនជាតិខ្មែរ ទី៥- ឈ្មោះ ឆាត ពៅ ភេទប្រុស អាយុ១៧ឆ្នាំ ជនជាតិខ្មែរ ទី៦- ឈ្មោះ ជឿន មុនីរ័ត្ថ ភេទប្រុស អាយុ១៨ឆ្នាំ ជនជាតិខ្មែរ ទី៧- ឈ្មោះ សុខា ចាន់ ភេទប្រុស អាយុ២៣ឆ្នាំ ជនជាតិខ្មែរ ទី៨- ឈ្មោះ ឆាន ចាន់ដារិទ្ធ ភេទប្រុស អាយុ១៧ឆ្នាំ ជនជាតិខ្មែរ ក្រោយពីឃាត់ខ្លួន បានធ្វើតេស្តទឹកនោមលទ្ធផលវិជ្ជាមាន(+)ទាំង៨នាក់។ ក្នុងនោះដែរសមត្ថកិច្ចបានដកហូតវត្ថុតាងរួមមាន៖ ម្សៅក្រាមពណ៌សថ្លាសង្ស័យសារធាតុញៀនចំនួន៤កញ្ចប់ ទម្ងន់ ៥,៧៦. ក្រាម ទាំងសំបកថង់, ទូរស័ព្ទដៃ៤គ្រឿង, ថង់សម្រាប់ច្រកថ្នាំ និងសម្ភារៈមួយចំនួន ។ បច្ចុប្បន្នជនសង្ស័យទាំង៨នាក់ ត្រូវបានកំលាំងសមត្ថកិច្ចបញ្ជូនខ្លួន ទៅអយ្យកាអមសាលាដំបូងខេត្តចាត់វិធានការតាមនិតិវិធីច្បាប់ ៕ ដោយ៖ អាខ្មៅ