ស្រុកព្រៃនប់ៈ តូបខាងមុខផ្ទះរបស់ពលរដ្ឋមួយខ្នង ធ្វើពីឈើប្រកសង្ក័សី ទំហំ៦ម៉ែត្រគុណ នឹង៨ម៉ែត្រ នៅភូមិបឹងរាំងឃុំសាមគ្គីស្រុកព្រៃនប់ ខេត្តព្រះសីហនុ ត្រូវបានអគ្គីភយ័ឆេះបំផ្លាញទាំងស្រុង កាលពីម៉ោងជិត៥ល្ងាច ថ្ងៃទី៤ ខែកញ្ញា ឆ្នាំ២០១៨នេះ។ ប្រភពពីអ្នកភូមិបានអោយដឹងថា អគ្គីភយ័នេះកើតឡើង ដោយសារ កូនម្ចាស់ផ្ទះចាក់សាំងចូលដបរួចប៉ះនឹងកង្ហាល់ ឆ្លងភ្លើងបណ្តាលអោយឆាបឆេះតែម្តង។

ក្រោយកើតហេតុ ក៍មានរថយន្តពន្លត់អគ្គីភយ័របស់នគរបាលស្រុក ទៅជួយពន្លត់ដែរ ទោះបីជួយតូបដែលឆេះនេះពុំទាន់ ប៉ុន្តែបានជួយពន្លត់មិនអោយភ្លើងរាលដាលឆេះទៅដល់ផ្ទះធំទៀតដែរ។ ទោះជាយ៉ាងនេះក្តីមន្ត្រីមូលដ្ឋានអះអាងថា ក្រៅពីខូចខាតទ្រព្យសម្បត្តិ មិនមានមនុស្សរងគ្រោះថ្នាក់ទេ។ ម្ចាស់ផ្ទះរងគ្រោះ ប្តីឈ្មោះ ជា ផា អាយុ៣៩ឆ្នាំ និងប្រពន្ធឈ្មោះ សៀង វាសនា អាយុ៣៩ឆ្នាំដូចគ្នា មានកូន៣នាក់ និងមានស្ត្រីចំណាស់ជាម្តាយ និងជាជីដូនម្នាក់ទៀត រស់នៅក្នុងបន្ទុកជាមួយដែរ ៕